नाशिक / देवळा : लॉकडाऊनदरम्यान देवळा तालुक्यातील कांचने जंगलात धक्कादायक प्रकार घडला आहे. शेतकरी दिगंबर सोनवणे हे या जंगलातून जात असताना त्यांचे लक्ष शिवारातील दरीमध्ये गेले..जेव्हा त्यांनी पाहिले अन् त्यात त्यांना जे काही दिसले ते अत्यंत धक्कादायक होते. नेमके काय होते?
अशी घडली घटना
देवळा तालुक्यातील कांचने येथील जंगलात बुधवारी (ता. 22) शेतकरी दिगंबर सोनवणे जात असताना त्यांना तिथल्या शिवारातील दरीत अनोळखी 30 ते 40 वर्षीय तरुणाने गळफास घेतलेल्या अवस्थेतील मृतदेह आढळला. त्यांनी याबाबत देवळा पोलिस ठाण्यात माहिती दिली. देवळा पोलिसांनी घटनास्थळी जाऊन पाहणी केली. साधारणतः महिन्याभरापूर्वी गळफास घेतला असल्याने त्याचे शरीर कुजलेले होते. काळे तपकिरी वूलनचे जॅकेट, फिकट चॉकलेटी रंगाची अंडरपॅन्ट, निळ्या रंगाची जीन्स व काळ्या रंगाचा कंबरेचा पट्टा, सफेद रंगाचा फुलबाह्यांचा शर्ट व त्यावर काळ्या रंगांची चौकटी डिझाइन, चॉकलेटी रंगाचे पाकीट व त्यात 70 रुपये, तसेच पायात काळ्या रंगाचे प्लॅस्टिकचे बूट आढळून आले.
हेही वाचा > धक्कादायक! "पुढच्या जन्मी आपण एकाच आईच्या पोटी जन्म घेऊ"..चिठ्ठीत कोरोनाची भीती अन् नैराश्‍य
ग्रामस्थांच्या मदतीने त्या व्यक्तीवर अंत्यसंस्कार
देवळा ग्रामीण रुग्णालयाचे वैद्यकीय अधिकारी डॉ. गणेश कांबळे यांनी घटनास्थळीच शवविच्छेदन केले. ग्रामस्थांच्या मदतीने त्या व्यक्तीवर अंत्यसंस्कार करण्यात आले. अनोळखी मृतदेहाविषयी माहिती असल्यास 02592-228233, 8806643000, 8329868682 या क्रमांकांवर द्यावी, असे आवाहन पोलिस निरीक्षक सुहास देशमुख यांनी केले आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.