नाशिक / घोटी : कोरोनाच्या लाटेत विविध क्षेत्रांत आर्थिक विवंचनेच्या गंभीर समस्या निर्माण झाल्या आहेत. शिक्षणक्षेत्रही त्याला अपवाद नाही. वीस वर्षांपासून विनाअनुदानित शाळा-महाविद्यालयांत काम करणाऱ्या शिक्षकांवर उपासमारीची वेळ आली आहे. ज्या गावात शाळा आहे, त्याच गावातील शेतात मजुरी करण्याची वेळ पिढी घडविणाऱ्या इगतपुरी तालुक्यातील विनाअनुदानित शिक्षकांवर आली आहे.
विनाअनुदानित शिक्षकांची शेतावर मजुरी
२० वर्षांपासून अनुदानाच्या प्रतीक्षेत असलेले शिक्षक तुटपुंज्या वेतनावर सेवाभावी काम करताना, घरातील वृद्ध आई-वडील, मुलांचे शिक्षण, आरोग्य या सर्व जबाबदाऱ्या सांभाळतात. पदरी उच्च शिक्षण असूनही आज ना उद्या भविष्य घडेल, या हेतूने कार्यरत असलेल्या शिक्षकांचा स्वप्नभंग झाला आहे. शेतकऱ्यांप्रमाणे महाराष्ट्रात शेतकरी आत्महत्येप्रमाणे शिक्षकांवर आत्महत्यांची वेळ आली आहे. अशी भयावह परिस्थिती आदिवासी ग्रामीण भागातील काही शिक्षक कुटुंबावर आली आहे.
आर्थिक विवंचनेमुळे उपासमारीची वेळ
शाळा-महाविद्यालय बंद आहेत. ग्रामीण भागातील विद्यार्थांना ज्ञानदानाचे महत्त्वपूर्ण काम कारणारा शिक्षक आजच्या घडीला मेटाकुटीला आला आहे. आर्थिक विवंचनेमुळे तणावाखाली जगणाऱ्या शिक्षकांवर उपाशीपोटी राहण्याची वेळ आली आहे. शासनाने तत्काळ याची दखल घेऊन विनाअनुदानित शाळांना प्रचलित धोरणाप्रमाणे अनुदान देऊन शिक्षकांचा पंधरा वर्षांपासून प्रलंबित असलेला प्रश्न मार्गी लावावा, अशी मागणी पुढे येत आहे.
संपादन - ज्योती देवरे
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.