नाशिक : अडीच हजार लशींचे डोस (corona virus vaccine) प्राप्त झाल्याने दोन दिवसांपासून संथगतीने सुरू लसीकरणाची मोहीम (vaccination drive) गुरुवारी (ता.२०) पुन्हा पूर्ववत होणार आहे. पुढील तीन दिवस पुरेल इतका लसीचा साठा महापालिकेला बुधवारी (ता.१९) प्राप्त झाला. (vaccination campaign from today nashik)

४५ व त्यापुढील नागरिकांना मिळणार डोस

४५ व त्यापुढील नागरिकांना कोव्हिशील्ड चे डोस दिले जाणार आहे. भारतनगर, तपोवन, नांदूर, जिजामाता, जेडीसी बिटको, मायको सातपूर, वडाळागाव, पिंपळगाव खांब, गंगापूर, सिडको, उपनगर, रामवाडी, एमएचबी कॉलनी, दसक, पंचक, मायको पंचवटी, मखमलाबाद, अंबड, कामटवाडे, म्हसरूळ, संगमा दवाखाना, वडनेर, गोरेवाडी, स्वामी समर्थ हॉस्पिटल मोरवाडी, येथे कोव्हिशील्डचे डोस दिले जातील, तर कोव्हॅक्सिनचा ४५ वयापुढील नागरिकांना दुसरा डोस इंदिरा गांधी हॉस्पिटल, नाशिक रोड येथील खोले मळा आरोग्य केंद्र , एसआयसी हॉस्पिटल येथे दिला जाणार आहे.