नाशिक : (जुने नाशिक) मुलगा होत नसल्याच्या कारणावरून पीडितेचा छळ केल्या प्रकरणी पतीसह सासू आणि नणंद अशा तिघांविरुद्ध भद्रकाली पोलिस ठाण्यात गुन्हा दाखल करण्यात आला. पीडितेला पहिले अपत्य मुलगी आहे. परंतु मुलगी झालीच कशी, या कारणावरून गेल्या पाच वर्षांपासून पीडितेचा छळ सुरू होता. 

असा आहे प्रकार

गंजमाळ भागातील विवाहितेचा 24 मे 2015 ला पवई येथील संशयित गौरव ऊर्फ गोरख वाकळे याच्याशी विवाह झाला. काही दिवस संसार चांगला सुरू होता. त्यानंतर पतीसह सासू जिजाबाई वाकळे, सुनीता मसरे यांनी काहीना काही कुरापत काढून सतत छळ सुरू केला. त्रास सहन करत पीडितेने संसार केला. सततच्या त्रासाला कंटाळून पाडिता माहेरी गेली. दरम्यान, पीडितेला मुलगी झाली. पीडितेच्या माहेरच्यांनी तिला घेऊन जाण्यासाठी पती आणि सासरच्यांशी संपर्क केला. परंतु, त्यांनी प्रतिसाद दिला नाही. नातेवाइकांच्या मध्यस्थीने 2017 मध्ये पीडिता पुन्हा नांदण्यास गेली. त्यानंतर पुन्हा तिला दिवस गेले असल्याने पतीने तिच्या चारित्र्यावर संशय घेतला. 

हेही वाचा >  ड्युटीवर असतांना पोलीसांनी कपाळावर गंध लावू नये..वरिष्ठ पोलीस अधिकाऱ्यांचे निर्देश

नेहमी नेहमीच्या त्याच्या अशा वागणूकीचा विट आल्याने त्यांच्या या कृत्याला कंटाळून शेवटी कंटाळून पीडितेने भद्रकाली पोलिस ठाण्यात सासरच्या तिघांविरुद्ध गुन्हा दाखल केला. याप्रकरणी पोलीस अधिक तपास करत आहेत.

हेही वाचा > फेसबुक लाईव्हद्वारे रस्ता चकाचक?...'हा' तर मनसे'चा आऊट ऑफ बॉक्‍स फंडा!