नाशिक : रिपब्लिकन पार्टी ऑफ इंडियाचे अध्यक्ष व केंद्रीय सामाजिक न्याय राज्यमंत्री रामदास आठवले यांच्याकडे स्वतःचे वाहन नाही. मात्र, त्यांच्या कुटुंबाची वांद्रे येथील बंगल्यासह मुंबईत तीन व दिल्लीला एक घर आहे. गेल्या पाच वर्षांत त्यांच्या एकत्रीत संपत्तीत सुमारे १.१२ कोटींची वाढ झाली आहे.

राज्यसभेसाठी आपला उमेदवारी अर्ज दाखल

रामदास आठवले यांनी काल भारतीय जनता पक्षातर्फे राज्यसभेसाठी आपला उमेदवारी अर्ज दाखल केला. यावेळी त्यांनी सादर केलेल्या प्रतिज्ञापत्र त्यांच्यावर गुन्हेगार खटला व शिक्षा झालेली नाही. त्यांचे शिक्षण बारावी पास आहे. आठवले यांचे मुळगाव कवठे महाकाळ तालुक्यातील ढालेवाडी असून त्याच्याकडे वडीलोपार्जीत १० गुंठे जमीन आहे. याशिवाय त्यांच्याकडे डहाणू येथे सुमारे बारा एकर शेती आहे. पुण्यात मावळ येथे त्याच्याकडे एक एकर ४ गुंठे जमीन आहे. श्रीमती सीमा आठवले यांच्याकडे मुंबईत वांद्रे येथे सुमारे दोन हजार चौरस फुट बांधकाम असलेला निवासी बंगला आहे. हा बंगला २०१४ मध्ये रामदास आठवले यांच्या नावे होता. तो बक्षीस मिळाले असल्याचे प्रतिज्ञापत्र नमुद असल्याने त्याचे मूल्य नमूद केलेले नाही. याशिवाय चारकोप कांदिवली आणि नवी दिल्लीत सदनिका आहे.

हेही वाचा > अचानक पहाटे 5.30 ला 'राज्यराणी' थांबवली!...अन्

मात्र त्यांच्याकडे कोणतेही वाहन नाही

श्री आठवले यांच्याकडे मालाड येथे ५५० चौरस फुटांची सदनिका आहे. या ठेवी, रोकड, सोने आदींचे एकत्रीत मुल्यांकन ३.९१ कोटी रूपये आहे. रामदास आठवले यांनी २०१४ मध्ये राज्यसभेसाठी उमेदवारी अर्जासोबत दिलेल्या विवरणात २.७९ कोटींची संपत्ती जाहीर केली होती. यंदा ती ३.९१ कोटी आहे. त्यांच्याकडे ३.१९ लाखांचे ७२ ग्रॅम सोने आहे. पत्नी सीमाताई यांच्याकडे ९.९७ लाखांचे २२५ ग्रॅम आणि मुलगा जीत याच्याकडे ४.४३ लाखांचे १०० ग्रॅम सोने आहे. त्यांच्याकडे विविध बॅंकेतर्फे ९.०१ लाख, पत्नीचे ३.५२ लाख व मुलगा जीतकडे १.१० लाख रक्कम आहे. पोस्टात ४.५३ लाख गुंतवणूक आहे. मात्र त्यांच्याकडे कोणतेही वाहन नाही.

हेही वाचा > येत्या हंगामात 'हे' दोन्ही कारखाने सुरु होण्याची शक्यता...कारण