नाशिक : पोलीस ठाणे, श्रीरामपूर शहर जिल्हा अहमदनगर यांनी शासनाची बंदी असलेल्या मागूर (Exotic magur/ Clarias gariepinus) अनधिकृतपणे वाहतूक करणाऱ्या वाहनास पकडले. जिल्हयातील प्रतिबंधित मागूरबाबत कारवाई करण्याचे मत्स्यव्यवसाय विभाग तसेच मा. जिल्हाधिकारी साहेब, अहमदनगर यांचे आदेश होते. याबाबत प्रादेशिक उपायुक्त मत्स्य व्यवसाय विभाग नाशिक विभाग नाशिक व सहाय्यक आयुक्त मत्स्यव्यवसाय, अहमदनगर यांचे वेळोवेळी मार्गदर्शन होतें. (World Fish Day Action against traffickers of banned fish magur Nashik news)

हेही वाचा : गरज आहे पंढरपूर पुन्हा समतेचे पीठ होण्याची....

मत्स्यव्यवसाय विभाग, अहदनगर व पोलीस प्रशासन, श्रीरामपूर शहर यांच्याकडून श्रीरामपूर नगर परिषदेच्या घनकचरा व्यवस्थापन जागेत संपूर्णपणे अंदाजे ४ टन मत्स्यसाठा योग्य तो पंचनामा करुन नष्ट करण्यात आला.

सदर कारवाई करताना श्री. हर्षवर्धन गवळी, पोलीस निरीक्षक, श्रीरामपूर शहर पोलीस ठाणे, श्री. विठ्ठल पाटील, सहायक पोलीस निरीक्षक श्रीरामपूर शहर पोलीस ठाणे, श्री वांडेकर, तपासणी अधिकारी श्रीरामपूर शहर पोलीस ठाणे, श्रीमती. प्र. सु.पाटेकर स.म.वि.अ. सहाय्यक आयुक्त मत्स्य व्यवसाय अहमदनगर यांचे कार्यालय व नगरपरिषद श्रीरामपूर तालुका जिल्हा अहमदनगर मार्फत आरोग्य विभागाचे कर्मचारी आणि इतर कार्यालयीन कर्मचारी उपस्थित होते. जागतिक मत्स्य दिनी AFDO श्रीमंती प्रतीक्षा पाटेकर यानी ही कारवाई समन्वय ठेवत केली आहे.