नाशिक : समाजातील सर्व प्रश्नांची जान असणे आवश्यक आहे. एखादा प्रश्न जिवंत ठेवण्यासाठी त्या प्रश्नाची जाणीव असणे महत्वाचे आहे. अर्थशास्त्रात सूक्ष्माचे नियोजन केल्याशिवाय समग्राकडे जाता येत नाही त्याचपद्धतीने प्रश्नांची सोडवणूक करण्यासाठी छोटा घटक विचारात घ्यायला हवा असे प्रतिपादन राज्याचे माजी रासयो समन्वयक प्राचार्य डॉ. अतुल साळुंखे यांनी केले. यिन अधिवेशनाच्या तिसऱ्या दिवसाच्या दुसऱ्या चर्चासत्रात शॅडो केबिनेटला मागर्दर्शन केले. त्यावेळी ते बोलत होते. yin-convention Consider a small element of society to solve problems say atul salinkhe

सामागृहात प्रतिनिधित्व करताना प्रश्नांच्या मुळापर्यंत जा, एखाद्या प्रश्नाची पार्श्वभूमी समजल्याशिवाय त्या प्रश्नाची सोडवणूक करणे अशक्य आहे, असे सांगत माजी रासयो समन्वयक प्राचार्य डॉ. अतुल साळुंखे म्हणाले, की समाजातील घटकांना न्याय देताना सामाजिक प्रश्नांची उकल करणे आवश्यक आहे. प्रश्नांच्या तीव्रतेवर समाजात परिवर्तन होण्यास मदत होत असते. युवकांनी महाविद्यालयातील राष्ट्रीय सेवा योजना, एनसीसी, क्रीडा, सांस्कृतिक योगदान आदी उपक्रमांमध्ये सहभागी होणे आवश्यक आहे. समाजाच्या जाणीवेतून समाजात बदल घडतो. यावेळी पुणे विद्यापीठाचे व्यवस्थापन परिषद सदस्य प्राचार्य संजय चाकणे उपस्थित होते.

युवकांनी योजनांची सांगड घालावी

प्रत्येक जिल्ह्याच्या समस्या, अडचणी वेगळ्या आहेत. एखाद्या जिल्ह्यातील योजना यशस्वी झाल्यास दुसऱ्या जिल्ह्यात योजना पळवली जाते. रोजगाराची निर्मिती आज होत नाही, गावांचा शाश्वत विकास करायचा असल्यास युवकांची ताकद वापरायला हवी. युवकांनी योजनांची सांगड घालून सरकारच्या अनेक योजना जोडता येऊ शकतात. समाजहित महत्वाचे असून प्रश्नांचे विवेचन करण्याची ताकद असावी असे साळुंखे यांनी सांगितले.