नाशिक : मनाला चैतन्यमय ठेवण्यासाठी व शारीरिक स्वास्थ्य (Physical Health) उत्तम ठेवण्यासाठी योगसाधना’ हा जीवनशैलीचा भाग बनविण्यासाठी प्रत्येकाने पुढे यावे. आजच्या धावपळीच्या व ताणतणावाच्या आयुष्यात योग (Yoga) जीवनात आनंद निर्माण करतो व मानसिक ऊर्जा प्राप्त करून देण्यासाठी महत्त्वपूर्ण भूमिका पार पाडतो, असे प्रतिपादन योग योगप्रशिक्षक पिराजी नरवाडे यांनी केले. (Yoga Instructor Piraji Narwade statement on Yoga Day Nashik news)

विश्वास को-ऑपरेटिव्ह बँक, विश्वास ज्ञानप्रबोधिनी ॲ‍न्ड रिसर्च इन्स्टिट्यूट, नाशिक, रेडिओ विश्वास 90.8 कम्युनिटी रेडिओ व निसर्गयोगी योग व निसर्गोपचार केंद्र यांच्यातर्फे स्वातंत्र्याचे ७५ व्या अमृतमहोत्सवी वर्ष व जागतिक योग दिनानिमित्त सामुदायिक योगाभ्यास वर्ग झाला. उपक्रमाची संकल्पना विश्वास ठाकूर यांची होती.