नाशिक : (नाशिकरोड) भरधाव वेगाने येणाऱ्या दोन दुचाकींची समोरासमोर धडक झाल्याने दुचाकीचालक गंभीर जखमी झाल्याची घटना घडली. त्याच्यावर सिव्हिल हॉस्पिटलमध्ये उपचार सुरू आहेत. वेग आटोक्यात न आल्याने ही घटना घडल्याचे समजते.

अशी घडली घटना

प्रियकेश कैलास सोनवणे (वय २२, रा. आशीर्वाद बंगला, सुवर्णनगर, जेलरोड) असे या अपघातातील जखमी दुचाकीचालकाचे नाव आहे. प्रियकेशने नाशिकरोड पोलिसांना दिलेल्या जबाबानुसार तो स्वत:च्या दुचाकीवरून (एमएच १५ जीडी ८४३६) सोमवारी (ता.9) रात्री साडेनऊ वाजेच्या सुमारास जेलरोडच्या शनी मंदिर चौकाकडून घराच्या दिशेने जात असताना, आढाव चौकातील दिनेश फ्लोअर मिलजवळ समोरून भरधाव वेगाने आलेल्या दुचाकीची (एमएच १५ बीएस ३२९३) समोरून धडक झाली. या धडकेत दोन्ही दुचाकीचालक रस्त्यावर पडले. या अपघातात डोक्याला मार लागल्याने गंभीर जखमी झालेल्या प्रियकेश सोनवणे यास त्याचा मित्र रोहित शेंबडे याने तत्काळ बिटको रुग्णालयात उपचारासाठी दाखल केले. 

हेही वाचा > येत्या हंगामात 'हे' दोन्ही कारखाने सुरु होण्याची शक्यता...कारण

त्यानंतर दुसऱ्या दिवशी त्यास सिव्हिल हॉस्पिटलमध्ये दाखल केले. वेग आटोक्यात न आल्याने ही घटना घडली. अपघाताच्या अशाप्रकारच्या घटनांमध्ये वाढ होत असून वाहन चालवतांना काळजी घेणे आवश्यक आहे.

हेही वाचा > अचानक पहाटे 5.30 ला 'राज्यराणी' थांबवली!...अन्