नाशिक : सिडकोतील त्रिमूर्ती चौक परिसरातील हेडगेवारनगरात चायनीच विक्रेत्याचा राहत्या घरी संशयास्पद मृत्यू झाल्याचा प्रकार उघडकीस आला आहे. याप्रकरणी अंबड पोलिसांकडून तपास सुरू आहे.

कैलास बाबूराव साबळे (वय ४५) असे संशयास्पद मृत्यू झालेल्या विक्रेत्याचे नाव आहे. राहत्या घरी त्यांचा मृत्यू झाल्याचे उघकीस आले. मृत साबळे यांचा कॅनडा कॉर्नर परिसरात चायनीज पदार्थ विक्रीची व्यवसाय आहे. रात्री नेहमीप्रमाणे तो रात्री उशिरापर्यंत काम करून घरी आले. त्यांना त्याच्या मित्राने घरी पोहोचविले.

त्‍यावेळी त्याच्या डोक्याला गंभीर जखम झाल्याने त्या जखमेवर हळद लावली होती. रात्री घरी आल्यानंतर ते झोपे गेले. रविवारी सकाळी दहाच्या सुमारास त्यांचा मृत्यू झाल्याचे सांगण्यात आले. त्याच्या मृत्यूविषयी संशय वाढल्याने अंबड पोलिसांकडून त्यांच्या मृत्यूची सखोल चौकशी सुरू आहे. अंबड पोलिस ठाण्याचे वरिष्ठ निरीक्षक भगीरथ देशमुख यांनी घटनास्थळी भेट देऊन माहिती जाणून घेतली. दुपारी याप्रकरणी आकस्मिक मृत्यूची नोंद करण्यात आली.