साकोरा (जि. नाशिक) : मनमाड चांदवड महामार्गावरील दुगावजवळ गॅसटँकर आणि दुचाकीची धडक झाली. या धडकेत नांदगाव येथील संदीप दिनकर शिंदे (वय 27) हा युवक जागीच ठार झाला. (Young man died in accident)
घरातील कर्ता गेला....
नांदगाव येथून वडनेर भैरव येथे आपल्या पत्नीला घरी आणण्यासाठी निघालेले संदीप यांच्या दुचाकीला भरधाव वेगाने येणाऱ्या गॅस टँकरने जोरदार धडक दिली. या धडकेने संदीप उधळून ट्रकच्या चाकाखाली गेला. या अपघातात त्याचा जागीच मृत्यू झाला. मृत संदीप शिंदे हा नांदगाव बसस्थानकाजवळ येथे वास्तव्यास होता. त्याला आठ महिन्याची लहान मुलगी असून पत्नी, भाऊ, दोन बहिणी, आई, वडील असा परिवार आहे. घरची आर्थिक परिस्थिती हलाखीची असताना आपल्या भावासह मजुरीचं काम करत होता. घरातील कर्ता मुलगा गेल्यामुळे कुटुंबीयांवर दुःखाचा डोंगर कोसळला आहे.
तीन दिवसात दुसरा अपघात
17 मार्च रोजी नाशिक चांदवड महामार्गावरील सोग्रस फाट्याजवळ अपघातात नांदगाव येथील युवक आकाश हिरे याला अपघातामुळे आपला जीव गमवावा लागला. तीनच दिवसात नांदगाव येथील दोन युवकांना अपघातात जीव गमवावा लागल्याने नांदगावकरांवर शोककळा पसरली आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.