सिन्नर : नाशिक जिल्ह्यात राज्य परिवहन महामंडळाच्या सिन्नर येथील बस स्थानकाच्या प्रवेशद्वारावर भीषण अपघात झाल्याचा प्रकार समोर आला आहे. येथे शिवशाही बसने एका तरुणाला चिरडल्याने खळबळ उडाली आहे.

मिळालेल्या माहितीनुसार, शुक्रवारी सकाळी सव्वा दहा वाजेच्या सुमारास पालघर-शिर्डी शिवशाही बस सिन्नर स्थानकात प्रवेश करत असताना बस स्थानकातून बाहेर पडणारा हा तरुण थेट बसच्या चाकाखाली सापडला. त्याच्या डोक्यावरून गाडीचे चाक गेल्यामुळे ओळख पटवण्यात अडचणी येत आहेत.