ZP Education Black Market : प्राथमिक व माध्यमिक विभागातील शिक्षकांना वेतन फरक बिल काढण्यापासून ते वरिष्ठ वेतनश्रेणी लागू करण्यापर्यंत जे काही काम करायचे असेल, त्या कामासाठी माध्यमिकच्या वेतन व भविष्यनिर्वाह निधी पथकाकडे एजंट नियुक्त करण्यात आले असून, कुठलेही काम करताना एजंटला टक्केवारीची ठराविक रक्कम दिल्याशिवाय काम होत नाही.

वर्षानुवर्षांपासून तेच तेच अधिकारी व कर्मचारी हे काम करत असल्याने त्यांची मुजोरी वाढली आहे. (Zilla Parishad agents working at salary welfare fund team education black market nashik news)

वेतन व भविष्यनिर्वाह निधी पथकातील माध्यमिक विभागात वेतन, फरक बिल, मेडिकल बिल, शालार्थ नाव नोंदविणे, बोगस शालार्थ नाव नोंदविणे, पेन्शन रक्कम काढणे, तिसरा व चौथ्या वेतन आयोगाचा हप्ता काढणे, सातव्या वेतन आयोगाचा हप्ता रोखीने देणे, वरिष्ठ वेतनश्रेणी लागू करणे, या कामांसाठी वेतन व भविष्यनिर्वाह निधी पथकाकडे शिक्षकांना जावे लागते.

मात्र येथे काम करताना एजंटच्या माध्यमातूनच जावे लागते. एजंटच्या माध्यमातून न जाता थेट अधीक्षकांना भेटल्यास काम होत नाही, अशी स्थिती आहे. १५ ते १६ वर्षांपासून कर्मचारी व अधिकारी या विभागात ठाण मांडून बसले आहेत.

या विभागाची सर्व अनियमित कामे स्वतःच्या मर्जीतील नेमलेले एजंट करतात. कोणाचे वेतन फरक बिल व मेडिकल बिल आधी काढायचे हे नेमलेले एजंट सुचविल्यानुसार काढले जातात. ज्याचा जास्त रेट त्याच व्यक्तीचे काम होते.

शिक्षण विभागातील सर्व अधिकारी व कर्मचारी माझ्या ताब्यात आहेत. या आविर्भावात येथील अधिकारी वर्ग काम करताना दिसतो. मंत्रालय स्तरावरून येथील अधिकारी व कर्मचाऱ्यांना पाठिंबा असल्याने स्थानिक अधिकाऱ्यांना मूग गिळून काम करावे लागते, अशी प्रतिक्रिया व्यक्त होत आहे.

हेही वाचा : Credit Card फसवणूक....काय घ्याल काळजी?

वेतन व भविष्यनिर्वाह निधी पथक माध्यमिक विभाग नाशिक

वेतन फरक बिल

अधीक्षक : दहा टक्के
लिपिक : २५ हजार ते एक लाख रुपये.
एजंट : एक ते पाच टक्के
----------
मेडिकल बिल काढणे

अधीक्षक : दहा टक्के
लिपिक : १५ ते २५ हजार रुपये.
एजंट : एक ते तीन टक्के
-------------
शालार्थ नाव नोंदविणे

अधीक्षक : ५० हजार ते एक लाख रुपये
लिपिक : पाच ते पंधरा हजार रुपये
एजंट : दहा ते पंधरा हजार रुपये
------------
बोगस शालार्थ नाव नोंदविणे

अधीक्षक : दोन लाख रुपये
लिपिक : पाच हजार रुपये
एजंट : पाच ते पंचवीस हजार रुपये
-----------
पेन्शन रक्कम काढणे

अधीक्षक : दहा टक्के
लिपिक : पंचवीस हजार ते एक लाख रुपये
एजंट : पाच ते पंधरा हजार रुपये
-------------
तिसरा व चौथा वेतन आयोग हप्ता

अधीक्षक : दहा टक्के
लिपिक : १५ ते २५ हजार रुपये
एजंट : एक ते तीन टक्के
-------
सातवा वेतन आयोग रोखीने देणे

अधीक्षक : पाच ते पंधरा हजार रुपये.
लिपिक : पाच हजार रुपये.

एजंट : दोन ते पाच हजार रुपये.
--------
वरिष्ठ वेतनश्रेणी लागू करणे

अधीक्षक : दहा टक्के.
लिपिक : १५ ते २५ हजार रुपये.
एजंट : एक ते तीन टक्के.
---------