लोकसभा 2019
धुळे : लोकसभेच्या धुळे मतदारसंघात संरक्षण राज्यमंत्री डॉ. सुभाष रामराव भामरे आणि आमदार कुणाल रोहिदास पाटील हे एकमेकांसमोर रणांगणात उभे ठाकले असून दोघांमध्ये जोरदार चुरस रंगणार आहे.

कुणाल पाटील यांच्या आई लता पाटील या गावोगावी भेट देत आपल्या मुलासाठी मत मागत आहेत. तर दुसरीकडे रोहिदास पाटील यांनी पदाधिकाऱ्यांच्या बैठका, मेळावे आणि जुन्या कार्यकर्त्यांच्या गाठभेट घेत मुलासाठी जोर लावण्यास सुरवात केली आहे. 

कुणाल पाटील हे माजी खासदार चुडामण पाटील यांचे नातू आहेत. माजी पंतप्रधान पंडीत जवाहरलाल नेहरु यांच्यापेक्षा जास्त मताने निवडून येण्याचा विक्रम चुडामण आनंदा पाटील यांनी केला होता. चुडामण पाटील 1962 ते 1977 असा दिर्घकाळ सलग तीन वेळा ते खासदार म्हणून निवडूण गेले. 

• मात्र चुलतभावाचा भाजपमध्ये प्रवेश -
  रोहिदास पाटील यांचे पुतणे आणि कुणाल पाटील यांचे चुलत भाऊ उत्कर्ष विश्‍वास पाटील यांनी भाजपमध्ये प्रवेश केला. या प्रवेशास संरक्षण राज्यमंत्री डॉ. सुभाष भामरे कारणीभूत असल्याचा काँग्रेस गटात उमटतोय. तर उत्कर्ष हे सहा महिन्यांपासून भाजप प्रवेशासाठी इच्छुक होते, असे भामरे समर्थक सांगत आहेत. एकूणच निवडणुकीपूर्वी डावपेचांसह निर्माण झालेल्या स्थितीमुळे मंत्री डॉ. भामरे- पाटील आणि कुणाल पाटील यांच्यात टोकाची लढत होणार असल्याचे वर्तविले जाते.
   
• आई वडिलांची मेहनत सार्थकी लागणार का ?
  भामरेंचा पराभव करण्यासाठी तरुण उमेदवार पाहीजे, अशी कार्यकर्त्यांची मागणी लक्षात घेऊन पाटील यांना उमेदवारी देण्यात आल्याचे समजते आहे. मात्र कुणाल पाटील यांच्या साठी आई वडील घेत असलेली अथक मेहनत सार्थकी लागते का ?, आता हेच पहावं लागणार आहे.