पारोळा ः बहादरपूर (ता.पारोळा) येथील रॅमन मॅगसेसे व पद्मश्री पुरस्कार प्राप्त नीलिमा मिश्रा यांनी बहादरपुरला वानप्रस्थाश्रम स्थापन करण्याच्या नवीन वर्षात संकल्प केला आहे. या आश्रम निर्मितीकामी माजी मंत्री तथा राष्ट्रवादी कॉंग्रेसचे प्रदेशउपाध्यक्ष डॉ. सतीष पाटील यांनी आपल्या मातोश्री स्व. मनकर्णिकाबाई (आक्का) भास्करराव पाटील यांचे स्मरणार्थ एक लाखाची मदत केली आहे.
बहादरपुरात भगिनी निवेदिता ग्रामीण विज्ञान संस्थेने अनेकविध उपक्रम राबवुन गावाचे नाव उंचावलेले आहे. तालुक्यातील निराधार वयोवृद्ध जणांना आधार मिळावा.त्यांचे देखील जीवनमान उंचावे यासाठी वानप्रस्थ आश्रमाची निर्मिती साठी लोकांकडून मदत म्हणून चाळीस दिवसांची पदयात्रा निलिमा मिश्रा यांनी मौन धारण करुन काढली असुन आज ता,24 रोजी शहरात त्यांची पदयात्रा आली असता माजी मंत्री डॉ. सतीष पाटील यांनी आपल्या मातोश्रीच्या स्मरणार्थ आर्थिक सहयोग दिल्याने त्यांचे वानप्रस्थच्या वतीने आभार व्यक्त करण्यात आले. दरम्यान तालुक्यातील 40 खेडेंची ही पदयात्रा असून जळगाव धुळे नंदुरबार
या जिल्ह्यातील तालुक्यासह खेडे म्हणजेच खानदेशात पदयात्रा नीलिमा मिश्रा यांनी सुरू केली आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.