नंदुरबार : पोलिस दलाने जूनमध्ये जिल्ह्यात राबविलेल्या मुस्कान-११ या मोहिमेत पालक व घरापासून दुरावलेल्या (Absconded) १९८ बालकांना शोधून (Found) त्यांना त्यांच्या पालकांकडे सुपूर्द करण्यात यश आले. (Police find 198 children under operation muskan 11 Nandurbar news)

जून २०२२ मध्ये महाराष्ट्रासह जिल्ह्यात ‘ऑपरेशन मुस्कान-११’ राबविण्यात आले. जिल्हा पोलिस अधीक्षक पी. आर. पाटील यांनी नंदुरबार जिल्ह्यात ‘ऑपरेशन मुस्कान ११’ राबविण्यासाठी सर्व पोलिस ठाण्यांचे प्रभारी अधिकारी, स्थानिक गुन्हे शाखांना सूचना देऊन मार्गदर्शन केले. बालकल्याण समिती, बालसंरक्षण गृहे, अशासकीय संस्था व बालपोलिस पथकातील अधिकारी, कर्मचाऱ्यांनी भाग घेतला. प्रत्येक पोलिस ठाण्याचे एक अधिकारी व चार अमलदार पथकात होते. संपूर्ण मोहिमेदरम्यान जिल्ह्यातील रेल्वे व बसस्थानके, धार्मिक स्थळे, हॉटेल, ढाबे याठिकाणी काम करणारे बालके, भिक्षा मागणारी बालके, तसेच कचरा गोळा करणाऱ्या बालकांचा शोध घेतला.

पोलिस ठाणेनिहाय मिळून आलेली बालके अशी ः नंदुरबार शहर पोलिस ठाणे-१४ बालके व बालिका, नंदुरबार तालुका पोलिस ठाणे- ११ बालके व १ बालिका, उपनगर पोलिस ठाणे-१२ बालके व ५ बालिका, विसरवाडी पोलिस ठाणे- १२ बालके व ३ बालिका, नवापूर पोलिस ठाणे- १४ बालके व ४ बालिका, शहादा पोलिस ठाणे-३ बालके व ३ बालिका, सारंगखेडा पोलिस ठाणे- १२ बालके व ११ बालिका, म्हसावद पोलिस ठाणे- २० बालके व ५ बालिका, धडगाव पोलिस ठाणे- १० बालके व १ बालिका, तळोदा पोलिस ठाणे- ९ बालके व १ बालिका, अक्कलकुवा पोलिस ठाणे- १४ बालके व ३ बालिका, मोलगी पोलिस ठाणे- ५ बालके व १ बालिका, असे एकूण १४१ बालके व ४३ बालिकांचा शोध घेतला. त्यांच्या पालकांना बोलावून, त्यांचे समुपदेशन करून शिक्षण व बालहक्कांची माहिती दिली. तसेच ती मुले पालकांच्या ताब्यात दिली.

स्थानिक गुन्हे अन्वेषण शाखेचे असई धात्रक यांच्या नेतृत्वात नेमलेल्या विशेष पथकाने जिल्ह्यातील सर्व शहरांना भेटी देऊन एकूण १४ अल्पवयीन बालकांचा शोध घेतला. त्यांचे पालक व संबंधित हॉटेल चालकांना कायद्याची समज दिली. पालक नसलेल्या बालकांना बालसंरक्षणगृहात पाठविण्याची दक्षता घेऊन मोलाची कामगिरी बजावली. या मोहिमेत जिल्हा पोलिस अधीक्षक पी. आर. पाटील, अप्पर अधीक्षक विजय पवार यांचे मार्गदर्शन लाभले.