उत्तर महाराष्ट्र

काळा बाजारात जाणारा रेशनचा माल पकडला; पून्हा चोरीला गेला आणि पोलिसांनी पकडला  

भरत बागुल

 पिंपळनेर : येथील रेशनिंगचा गहू, तांदूळ काळ्या बाजारात विक्रीसाठी घेवून जाणारा पिक-अप गाडी अपर तहसीलदार विनायक थविल यांनी पकडली होती. पंचनामा केलेली पिक-अप गाडी चालकाने रात्री पळवून नेली होती. याबाबत पोलिसात गुन्हा दाखल झाल्यानंतर पोलिसांनी बारा तासांच्या आत गहू, तांदूळ गाडीसह जप्त केला आहे. 

महात्मा फुले चौकातील रेशन दुकान क्रमांक १३ मधील ३५ गोण्या गहू व एक गोणी तांदूळ काळ्या बाजारात विक्री करण्यासाठी वाहनातून (एमएच १८, एए ४३१२) नेत असताना, अपर तहसीलदार विनायक थविल यांनी पकडला होता. पुरवठा निरीक्षक बागूल यांनी रात्री पंचनामा केला होता. मात्र, वाहनचालक चावी घेऊन फरारी झाला होता.

आणि गाडी देखील गायब

वाहन पंक्चर असल्याने व वाहनाची चावी नसल्याने रात्री वाहन तेथेच होते. रात्री दीड ते दोनच्या सुमारास वसीम शकील पटेल (रा. पिंपळनेर) रेशन दुकानदाराच्या सांगण्यावरून मालासह गाडी घेऊन फरारी झाला होता.

मंदिराच्या मागील खोलीतून धान्य जप्त

याबाबत पुरवठा निरीक्षक श्रीमती बागूल यांनी बुधवारी (ता. २३) पोलिसांत फिर्याद दिली होती. नंतर सहाय्यक पोलिस निरीक्षक दिलीप खेडकर यांच्या मार्गदर्शनाखाली उपनिरीक्षक रवींद्र केदार यांनी १२ तासांच्या आत रेशनिंगचा माल नदीपलीकडे असलेल्या भातोजी महाराज मंदिराच्या मागे असलेल्या एका खोलीतून गुरुवारी जप्त केला. ही कारवाई पोलिस उपनिरीक्षक रवींद्र केदार व भूषण हांडोरे, हवालदार भूषण वाघ, चेतन सोनवणे, देवेंद्र वेंदे, माधुरी हटकर यांनी केली. घटनास्थळी पुरवठा निरीक्षक बागूल यांना बोलवून पंचनामा केला. शहानिशा करून पिंपळनेर पोलिसांनी गहू व तांदूळ ताब्यात घेतला. माल काळ्या बाजारात नेण्यासाठी वापरलेले वाहन व चालकाचा शोध पिंपळनेर पोलिस घेत आहेत.  

 
संपादन- भूषण श्रीखंडे

सकाळ+ चे सदस्य व्हा

ब्रेक घ्या, डोकं चालवा, कोडे सोडवा!

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.

Shiv Nadar: नादर कुटुंबाचे दररोज ७.१ कोटी रुपयांचे दान, दानशूरतेमध्ये सलग पाचव्या वर्षी अव्वल

IND vs NZ, Test: रिषभ पंतचा षटकार ठोकत शतकाचा चौकार! रोहित-गेलला टाकलं मागे अन् आता सचिन तेंडुलकरचा विक्रम धोक्यात

Hormuz Strait Swim : समुद्रात उतरला अन् काही मिनिटांतच स्फोट! होर्मुझमध्ये पोहताना जलतरणपटूने काय पाहिलं? धक्कादायक अनुभव

Marathi News Live Updates : श्रीवर्धन मतदार संघ राष्ट्रवादीचा बालेकिल्ला - खासदार सुनिल तटकरे

Crime News: केक पडल्याच्या वादातून मध्यरात्री घरावर हल्ला; तरुणावर कोयत्याने वार, आजोबांचा हात मोडला, आजी-आजोबांसह नातवाला बेदम मारहाण.

SCROLL FOR NEXT