उत्तर महाराष्ट्र

"मुन्नाभाई'चा "सर्किट' मित्रही अटकेत 

सकाळन्यूजनेटवर्क

"मुन्नाभाई'चा "सर्किट' मित्रही अटकेत 

जळगाव : जिल्हा पोलिसदलाच्या भरतीसाठी दंडावर मायक्रोचीप व कानात इअरफोन लावून "मुन्नाबाई एमबीबीएस' स्टाइल लेखी परीक्षेला आलेल्या उमेदवाराला 19 एप्रिलला कॉपी करण्यापूर्वीच अटक करण्यात आली होती. त्याला या इअर फोनवर प्रश्‍नांची उत्तरे देणाऱ्या त्याच्या "सर्किट' मित्राला दोन महिन्यांच्या अथक परिश्रमाअंती गुन्हेशाखेच्या पथकाने औरंगाबाद येथून आज ताब्यात घेतले. अटकेतील संशयित हा सहा वर्षे भारतीय सैन्यात कार्यरत होता. मात्र नंतर नोकरी सोडल्याची माहिती पथकाकडून मिळाली. 
जिल्हा पोलिसदलातर्फे 112 रिक्त जागांसाठी मार्च-एप्रिल महिन्यात भरती प्रक्रिया राबवली गेली. मैदानी चाचणीनंतर 19 एप्रिलला लेखी परीक्षेसाठी आलेला मदन महाजन डेडवाल (वय-21, जोडवाडी, औरंगाबाद) हा मेटल डिटेक्‍टरमधून शिरताच बीप वाल्याने पकडला गेला. त्याच्या दंडावर मोबाईल इन्ट्यूमेंट काळ्या चिकटपट्टीने चिकटविण्यात आल्याचे आढळून आले. अधिकाऱ्यांनी डेडवाल याला पकडून हे साहित्य जप्त केल्यावर या यंत्राद्वारे तो रतन प्रेमसिंग बहुरे (वय-30, रा.जोडवाडी, कचनेर, औरंगाबाद) याच्या संपर्कात असल्याचे निष्पन्न झाले होते. जिल्हापेठ पोलिस ठाण्यात दाखल गुन्ह्यात पोलिस त्याचा शोध घेत असताना गुन्हेशाखेचे निरीक्षक सुनील कुराडे यांच्या पथकातील सहाय्यक निरीक्षक रवींद्र बागूल, रवींद्र पाटील, विकास वाघ, विनोद पाटील, प्रकाश महाजन, गफूर तडवी, अशरफ शेख, प्रवीण हिवराळे, सतीश गवळी, दत्तात्र्यय बडगुजर यांच्या पथकाने जोडवाडी, औरंगाबाद येथून रतनसिंग बहुरे यास ताब्यात घेत अटक केली आहे. 

माजी सैनिक 
अटक करण्यात आलेला तरुण रतनसिंग बहुरे हा काही वर्षांपूर्वी भारतीय सैन्य दलात कार्यरत होता. मात्र त्याने नोकरी सोडली असून, त्याच्याविरुद्ध यापूर्वीही पोलिस भरतीत गैरप्रकार केल्याचे निष्पन्न झाले असून, यवतमाळ शहर पोलिस ठाण्यात आणि बुलडाणा येथे ही त्याच्याविरुद्ध गुन्हे दाखल असल्याची माहिती हाती आली आहे. 

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Mumbai Riots: मुंबईतील 1992च्या दंगलीतील खटले निकाली काढा; सुप्रीम कोर्टाचे सरकारला निर्देश

IPL 2024 MI vs SRH Live Score: मुंबईला कमिन्सचा जोरदार धक्का! रोहित शर्माला 4 धावांवरच धाडलं माघारी

Vijay Wadettivar: वडेट्टीवारांविरोधात भाजपची निवडणूक आयोगात तक्रार; मुंबई हल्ल्यावरील विधानावर केलं होतं भाष्य

Arvind Kejriwal: नायब राज्यपालांकडून केजरीवाल पुन्हा टार्गेट! खलिस्तान्यांकडून पैसा घेतल्याची केली NIAकडं तक्रार

Team India Jersey: T20 वर्ल्ड कपमध्ये टीम इंडिया दिसणार नव्या रुपात, नवी जर्सी झाली लाँच; पाहा Video

SCROLL FOR NEXT