Dhule Crime News : आमळथे (ता. शिंदखेडा) येथील शेतकरी धर्मराज ओंकार पवार यांच्या घरात चोरट्यानी शुक्रवारी (ता. २०) रात्री घरफोडी करत १९ तोळे सोने, सातभार चांदी व एक लाखाची रोकड, असा तीन लाखांची चोरी केली. ( Theft of 3 lakhs in dhule crime news )

शनिवारी (ता. २१) सकाळी श्वान पथक व ठसे तज्ज्ञांना पाचारण करण्यात आले होते.

अमळथे येथे पहाटे पावणेपचाच्या सुमारास धर्मराज पवार झोपेतून उठून पाणी पिण्यासाठी किचनमध्ये गेले असता मागील खोलीच्या दरवाजाचा कडी कोयंडा तोडलेला व दरवाजा उघडा दिसला.

घरातील सामानाची पाहणी केली असता घरातील खोलीत ठेवलेले दागिने व रोख चोरट्यांनी लांबविल्याचे लक्षात आले.

शिंदखेडा पोलिस ठाण्यात गुन्हा दाखल केला असून, पोलिस निरीक्षक दीपक पाटील यांच्या मार्गदर्शनखाली सहाय्य्क पोलिस निरीक्षक प्रशांत गोरावडे तपास करीत आहेत.