धुळे : पार्टी करत चोरट्यांनी अभियंत्याच्या (Engineer) बंगल्यात धाडसी चोरी केली. देवपूरमधील प्रमोद नगरालगत आदर्श कॉलनीत ही घटना घडली.
यात तब्बल पंधरा तोळे वजनाचे सोने- चांदीचे दागिने लंपास केले गेले. या प्रकरणी पश्चिम देवपूर पोलिस ठाण्याकडून गुन्हा दाखल झाला. (thieves theft in engineers bungalow Gold silver ornaments were looted dhule crime news)
चोरट्यांनी अभियंत्याच्या घरात फ्रीजमधील थंड पेय आणि काही पदार्थांवरही ताव मारला. प्रमोदनगर सेक्टर नंबर एकमधील आदर्श कॉलनीत प्लॉट क्रमांक ३७ आहे. तेथे अभियंता तथा कॉन्ट्रॅक्टर अरुण विनायक भालेराव वास्तव्यास आहेत.
ते कुटुंबासह पुणे येथे गेले होते. त्यामुळे बंगला बंद असल्याची संधी चोरट्यांनी साधली. त्यांनी बंगल्याच्या मागील दरवाजाचे कुलूप तोडून प्रवेश केला. कपाटातून सोने, चांदीचे सुमारे पंधरा तोळे वजनाचे दागिने लंपास केले. त्याची किंमत सरासरी साडेसात ते आठ लाख इतकी आहे.
हेही वाचा : संतुलित आहारातून रोखा फॅटी लिव्हरचा आजार
चोरट्यांनी फ्रीजमधील कोकोकोला, काही पदार्थांवर ताव मारत पार्टी केली. श्री. भालेराव हे गुरुवारी (ता. ९) रात्री बंगल्यात परतले असताना हा प्रकार त्यांच्या लक्षात आला. याबाबत त्यांनी पोलिसांना माहिती दिल्यावर पश्चिम देवपूर पोलिस ठाण्याचे निरीक्षक नितीन देशमुख हे पथकासह घटनास्थळी दाखल झाले. तसेच, श्वानपथक आणि ठसे तज्ज्ञांना पाचारण करण्यात आले.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.