खापर : अक्कलकुवा तालुक्यातील (ता.१८) पार पडलेल्या ग्रामपंचायतीच्या सार्वत्रिक निवडणुकीत खापर येथील प्रभाग तीनमध्ये सर्वसाधारण जागेच्या मतदान यंत्रामधील पेपर सरकल्याने राज्य निवडणूक आयोगाने शुक्रवारी (ता.२३) फेरमतदान घेण्याच्या सूचना केल्या होत्या.

यात ग्रामपंचायत परिवर्तन पॅनलच्या शोएब तेली यांना ४१२ मते मिळवून सबका साथ सबका विकास पॅनलच्या आलमगीर बलोचला १५ मतांनी पराभूत केले. (Voting process of Khapar Gram Panchayat complete Nandurbar News)

हेही वाचा : प्रेमाला धर्म आहे...?

आलमगीर बलोच यांना ३९७ मते मिळाली. फेरमतदानानंतर सबका साथ सबका विकास पॅनेलचे ११ सदस्य निवडली आहे. तर ग्रामविकास परिवर्तन पॅनेलचे सहा सदस्य निवडून आले आहे.

फेरमतदानानंतर सबका साथ सबका विकास पॅनलमधील लोकनियुक्त सरपंच किरण पाडवी यांच्यासह ललिताबाई जैन, देविदास वसावे, प्रमिला पवार, आशा पाडवी, वंदनाबाई चौधरी, दक्षा वसावे, अंजना पाडवी, कविता कामे, संगीता पाडवी, विनोद कामे, अंजना पाडवी असे अकरा सदस्य निवडून आले आहेत. तर ग्रामविकास परिवर्तन पॅनलमधील ललित जाट, अश्विन पाडवी, करुणा पाडवी, महेश पाडवी, प्रमिलाबाई सदाराव, शोएब तेली रशीद असे सहा सदस्य निवडून आले आहे.