शिरपूर (जि. धुळे) : शहरातील रामसिंह नगर येथील २४ वर्षीय युवकाने बुधवारी (ता.१३) रात्री अकराला डोक्यात गोळी झाडून घेत आत्महत्या (Suicide) केली. (youth commits suicide by shooting himself in head in Shirpur Dhule Latest Marathi news)

हर्षल भिका माळी असे मृत युवकाचे नाव आहे. त्याचे वडील भिका माळी रामसिंग नगरमध्ये किराणा दुकान चालवून उदरनिर्वाह करतात. रात्री अकराला रामसिंग नगरमध्ये गोळीबाराचा आवाज झाल्याने नागरिक धास्तावले. त्यांनी आवाजाच्या दिशेने धाव घेतली असता हर्षल माळी रक्तबंबाळ अवस्थेत आढळला. त्याच्या डोक्यातून प्रचंड रक्तस्राव सुरू होता.

त्याला तातडीने धुळे येथे उपचारासाठी हलविण्यात आले. मात्र वैद्यकीय तपासणीत त्याचा मृत्यू झाल्याचे निष्पन्न झाले. त्याने गावठी बनावटीच्या पिस्तुलाने डोक्यात गोळी झाडल्याचे प्रथमदर्शनी आढळले. शहर पोलिसांनी आकस्मिक मृत्यूची नोंद केली. त्याने गावठी पिस्तूल कुठून मिळवले याचा तपास पोलिस करीत आहेत.