हमीरपूर - समाजवादी पक्ष (Samajwadi Party) आणि बसप (BSP) सरकारांमुळे (Government) मागे राहिलेल्या बुंदेलखंडमध्ये (Bundelkhand) आता प्रगतीचा (Development) सूर्योदय होत आहे. चित्रकूट, बांदा, महोबा, हमीरपूर, जालौन, औरेया आणि इटावामार्गे जाणारी बुंदेलखंड एक्स्प्रेस वे आणि ‘डिफेन्स कॉरिडॉर’मुळे बुंदेलखंडच्या विकासाच्या नव्या युगाचा प्रारंभ झाला असल्याचे प्रतिपादन मुख्यमंत्री योगी आदित्यनाथ यांनी केले.

हमीरपूर जिल्ह्यातील दोन विधानसभा मतदारसंघातील प्रचार शिगेला पोचला आहे. निवडणुका संपण्यास तीन दिवस राहिले आहेत. आज मुख्यमंत्री योगी आदित्यनाथ यांनी राठ येथे सभा घेतली आणि उत्तर प्रदेशात कमळ पुन्हा येईल, असा विश्‍वास व्यक्त केला. समाजवादी पक्ष आणि बहुजन समाज पक्षावर टीका करताना योगी म्हणाले, की गेल्या सरकारच्या कुचकामी कारभारामुळे बुंदेलखंड भाग मागास राहिला. परंतु या भागाचा नियोजनबद्ध रीतीने विकास केला जात आहे.