बुलढाणा : उन्हाळा सुरू होताच लगबग सुरू होते ती लग्न सोहळ्यांची, या लग्न समारंभात लोक लाखो रुपये खर्च करून हौस भागवतात. अशा लग्न सोहळ्यात काहीतरी हटके केल्याचे अनेक प्रकार सोशल मीडियावर पाहायला मिळतात.

नुकतीच अशी हटके लग्नपत्रिका व्हायरल होते आहे. या लग्नपत्रिकेने एका वेगळ्याच कारणामुळे सर्वांचे लक्ष वेधले असून ही पत्रिका एक दोन नव्हे तर तब्बल ३६ पानांची आहे.

साम टीव्हीने दिलेल्या वृत्तानुसार बुलढाणा येथील निवृत्त झालेले सार्वजनिक बांधकाम विभागाचे कार्यकारी अभियंता चंद्रशेखर शिखरे यांच्या मुलीच्या लग्न सोहळ्याची ही ३६ पानांची लग्नाची लग्नपत्रिका सोशल मीडियावर व्हायरल झाली आहे.

एशिता शिखरे आणि मयूर डोंगरे हे दोघेही उच्च शिक्षित असून उच्च पदावर कार्यरत आहेत यांचा शुभ विवाह 23 एप्रिल रोजी पार पडणार आहे. या पत्रिकेत एशिता आणि मयूरचा फोटो अल्प परिचय देण्यात आला आहे. याच बरोबर शिखरे परिवाराचा फोटो व माहिती देखील देण्यात आली आहे.

हेही वाचा - What Is Moksha: ‘अण्णा तुमच्या गुरूला मिळाला का मोक्ष?’

त्याचबरोबर या पत्रिकेमध्ये आवली व संत तुकाराम, शिव-पार्वती विवाह सावित्रीबाई व महात्मा ज्योतिराव फुले यांची माहिती तसेच जिज्ञासक महदंबा, संत जनाबाई संत मुक्ताबाई, अक्का महादेवी यांची माहिती देण्यात आली आहे.

पुण्यातील जिजाऊ प्रकाशन यांनी ही पत्रिका तयार केली आहे.दरम्यान या पत्रिकेची सध्या सर्वत्र चर्चा होत आहे. (Latest Marathi News)