यवतमाळ : तरुणी महाविद्यालयामध्ये मैत्रिणींसोबत बोलत उभी असताना एका तरुणाने अचानक येऊन तिचा हात पकडला. मी तुझ्यावर प्रेम करतो. प्रेमाचा स्वीकार न केल्यास मी तुला हिंगणघाटमधील घटनेप्रमाणे जाळून मारणार, अशी धमकी देत तिचा विनयभंग केला. ही घटना 28 फेब्रुवारी रोजी येथील एका महाविद्यालयामधील सायकल स्टॅण्डजवळ घडली.
गोलू नामदेव जाधव (वय 23, रा. खैरगाव तांडा) असे संशयित तरुणाचे नाव आहे. हा तरुण पीडितेच्या काकूचा नातेवाईक असल्याने दोघांची ओळख झाली. गोलू नेहमीच मोबाइलवर "मी तुझ्यावर प्रेम करतो' असे म्हणून त्या तरुणीला त्रास देत होता. तसेच वाईट उद्देशाने तिचा पाठलागही करायचा. 28 फेब्रुवारीला ती विद्यार्थिनी महाविद्यालयामधील सायकल स्टॅण्डजवळ मैत्रिणींसोबत बोलत उभी होती. दरम्यान, गोलू जाधव तेथे आला आणि तिचा हात पकडला. "मी तुझ्यावर प्रेम करतो, तू प्रेमाचा स्वीकार न केल्यास तुला हिंगणघाटमधील घटनेप्रमाणे जाळून मारणार', अशी थेट धमकी देत विनयभंग केला. तसेच शिवीगाळ करून जिवे मारण्याची धमकीही दिली.
पीडितेने शनिवारी (ता. सात) अवधूतवाडी पोलिस ठाणे गाठून तक्रार दिली. त्यावरून संशयित गोलू जाधव याच्याविरुद्ध गुन्हा नोंदविला. हिंगणघाट येथे प्राध्यापिका असलेल्या तरुणीच्या अंगावर पेट्रोल टाकून पेटविल्याची घटना फेब्रुवारी महिन्यात घडली होती. उपचारादरम्यान तरुणीचा मृत्यू झाला. या घटनेचे पडसाद राज्यभरात उमटले होते. मात्र, या घटनेपासून बोध घेण्याऐवजी माथेफिरू तरुण "हिंगणघाटप्रमाणे जाळून मारणार', असा शब्दप्रयोग करीत आहेत. ही बाब चिंता वाढविणारी आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.