वर्धा : यवतमाळकडून नागपूरकडे जात असलेल्या ट्रकवर भरधाव मोटार आदळली. या भीषण अपघातात दोन महिला डॉक्टरांसह एक जण जागीच ठार झाला. ही घटना रविवारी पहाटे साडेचारच्या सुमारास सेलू तालुक्यातील महाबळा परिसरात समृद्धी महामार्गावर घडली. डॉ. ज्योती क्षीरसागर, डॉ. फाल्गुनी सुरवाडे आणि भरत क्षीरसागर (सर्व रा. वाशीम) अशी मृतांची नावे आहेत.
मिळालेल्या माहितीनुसार, ट्रक यवतमाळकडून नागपूरकडे जात होता. यावेळी पाठीमागून आलेली वॅगन आर मोटार ट्रकवर आदळली. या भीषण अपघातात मोटारीमधील तिघेही जागीच ठार झाले. याची माहिती मिळताच पोलिसांनी अपघातस्थळी धाव घेतली.
भरत क्षीरसागर हे मुंगळा येथील श्री मोरेश्वर विद्यालयामध्ये शिक्षक म्हणून कार्यरत होते. त्यांची मुलगी डॉ. ज्योती क्षीरसागर ही डॉ. आर. आर. कांबे दंतवैद्यकीय महाविद्यालय कान्हेरी सरप (जि. अकोला) च्या एमडीएस द्वितीय वर्षाची विद्यार्थिनी होती तर तिची मैत्रीण डॉ. फाल्गुनी सुरवाडे ही त्याच महाविद्यालच्या बीडीएसच्या तृतीय वर्षाची विद्यार्थिनी होती.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.