वाशीम: वाशीमकडून कनेरगावकडे जाणाऱ्या मोटरसायकलला अज्ञात वाहनाने दिलेल्या धडकेत एकजण ठार तर दोन जण जखमी झाले आहेत. हि घटना आज रात्री नऊ वाजताच्या सुमारास घडली. 

प्राप्त माहितीनुसार सुकळी येथील तीन युवक पल्सर मोटरसायकलने वाशीमवरून कनेरगावरोडने सुकळी येथे जात असताना तोंडगाव फाट्याजवळ अक्ज्ञात वाहनाने मोटरसायकलला धडक दिली. या अपघातात सुकळी येथील पुरुषोत्तम खडसे याचा जागेवरच मृत्यु झाला तर कडूशा खडसे व वैभव खडसे हे दोन जण गंभीर जखमी झाले. जखमींना उपचारासाठी येथील जिल्हा सामान्य रुग्णालयात दाखल करण्यात आले होते मात्र त्यांची प्रकृती चिंताजनक असल्याने त्यांना पुढील उपचारासाठी अकोला येथे दाखल करण्यात आले आहे.