रामटेक (जि. नागपूर) : चौदा दिवसानंतर मानेगावटेक येथिल रहिवाशी पण थोडी वेडसर महिला विहिरीत सापडली. आज सकाळी सातच्या सुमारास विहिरीवरील मोटार सुरु करण्याकरीता नोकर गेला असता त्याला पाईप धरुन बसलेली ती महिला दिसली. त्याने याची माहिती मालकाला दिली व तिला विहिरीतुन सुखरुप बाहेर काढण्यात आले.

सदर महिलेचे नाव सुनिता जयचंद सिरसाम वय(30) असुन ती नजीकच्या मानेगाव टेकची आहे. ती दोन ते तीन तासाआधी विहिरीवर गेली असावी आणी तिला झोप वगैरे येत असल्याने पडली असावी असा अंदाज जानकरांनी व्यक्त केला आहे.

सुनिता सिरसाम ही वेडसर महिला असून ती २१ ऑक्टोबर रोजी तिने सकाळी मतदान केले व घरी शेतात जाते असे सांगुन घरुन निघुन गेली. तेव्हा पती जयचंदने शेजाऱ्याच्या मदतीने, दुसऱ्या दिवशी देवलापार पोलिस स्थानकात तक्रार दिल्याचे सांगीतले. सदर महिला या भागातच फिरत होती. तरीही पोलिसांनी कोणताही दखल घेतली नाही असा आरोप आज उपस्थितांनी केला आहे. 

आज चौदा दिवसानंतर ती सापडली आहे. ती तब्बल चौदा दिवसांनंतरही जिवंत असल्याने सर्वांनी धावपळ केली. दिनेश दुबे, भैया टेकाम, परवेज ऊईके, विजय ठाकुर, शिवा नखते, मोसीन अंसारी, गणेश नेवारे व काही वाहन चालकाच्या मदतीने तिला विहिरीत काही काढण्याचा प्रयत्न केला परंतू काढणे शक्य होत नसल्याने बाज विहिरीत टाकून तिला वर काढण्यात आले.