अमरावती : घरासमोरील गल्लीत सायकल चालवीत असलेल्या चिमुकलीचे एका युवकाने अपहरण करून निर्जनस्थळी नेऊन तिचा लैंगिक छळ केला. हा प्रकार काहींच्या लक्षात येताच संतप्त जमावाने त्या युवकाला पकडून चोपले.
शहरातील जवाहरगेट मार्गावर बुधवारी (ता. 27) सायंकाळी साडेसहाच्या सुमारास ही घटना घडली. तापमान कमी झाल्यानंतर आपली छोटी सायकल गल्लीत फिरवीत असलेल्या चिमुकलीचे (वय सहा), रेहान उर्फ इमरान बेग युनूस बेग (वय 21, रा. इतवाराबाजार) याने तोंड दाबून अपहरण केले. परिसरात महापालिकेच्या स्वच्छतागृहात नेऊन तिचा लैंगिक छळ करण्याचा प्रयत्न केला.
अत्याचार सहन करू न शकल्याने ती रडायला लागली. तिचा आवाज ऐकून परिसरातील चिमुकलीच्या काही नातेवाइकांनी रेहान उर्फ इमरान याला पकडून चांगलाच चोप दिला. घटनेची माहिती शहर कोतवाली पोलिसांना दिली. घटनास्थळाहून पोलिसांनी त्या युवकाला ताब्यात घेतले. भरदिवसा रहदारी सुरू असताना ही घटना घडली.
पीडित चिमुकलीच्या नातेवाइकांनी दाखल केलेल्या तक्रारीवरून रेहान विरुद्धविनयभंग, अपहरणासह बाललैंगिक अत्याचार प्रतिबंधक कायद्यान्वये गुन्हा दाखल केला. गुरुवारी (ता. 28) त्याला तपास अधिकाऱ्यांनी न्यायालयासमोर हजर केले. या प्रकारामुळे परिसरात खळबळ उडाली असून, सदर युवकाविरुद्ध कठोर कारवाई करण्याची मागणी नागरिकांमधून होत आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.