अकोला : अकोला पश्चिम विधानसभा मतदारसंघातून सहावेळा निवडून आलेले भाजप आमदार गोवर्धन शर्मा यांचे शुक्रवारी रात्री निधन झाले. एक जानेवारी 1949 रोजी यवतमाळ जिल्ह्यातील पुसद येथे जन्मलेले शर्मा हे अकोला पश्चिम विधानसभा मतदारसंघातून सर्वप्रथम 1995 मध्ये निवडून आले होते.

नारायण राणे यांच्या मंत्रिमंडळामध्ये त्यांनी काही काळासाठी मंत्री म्हणूनही कामकाज बघितले होते. 2019 च्या निवडणुकीत ते विधानसभेमध्ये निवडून आले होते. श्री रामनवमी शोभायात्रा समितीच्या माध्यमातून सातत्याने मदतीचा हात देणारे पश्चिम विदर्भातील एकमेव नेते होते.

उद्या अन्नपूर्णा माता मंदिराजवळ त्यांच्या पार्थिवावर अंतिम संस्कार करण्यात येणार आहेत. त्यांच्या अंतिम संस्कारासाठी राज्यभरातील नेते उपस्थित राहतील. गोवर्धन शर्मा यांच्या निधनाबद्दल विविध स्तरातून त्यांना भावपूर्ण श्रद्धांजली व्यक्त करण्यात येत आहे.(Latest Marathi News)