अमरावती ः महापालिकेच्या ताब्यातील भूखंडांचा लिलाव करण्यात येणार आहे. तब्बल पन्नास भूखंड या लिलावात काढण्यात येणार असून त्या माध्यमातून येणाऱ्या पैशांतून विकास कामे करण्यात येतील, असे महापालिका आयुक्त प्रशांत रोडे यांनी सांगितले. ले आउट झालेल्या अभिन्यासातील काही भूखंड विकासकाकडून महापालिकेकडे वर्ग करण्यात येतात.
या भूखंडाचा लिलाव करून त्या माध्यमातून येणाऱ्या पैशांतून विकास कामे केल्या जातात. सद्यःस्थितीत महापालिकेकडे असे बऱ्याच अभिन्यासातील भूखंड असून त्यावर अतिक्रमण होण्याची शक्‍यता अधिक आहे. याशिवाय काही नागरिकांकडून मागणी केल्या जाते. त्यासाठी राजकीय दबावतंत्राचाही उपयोग केल्या जातो, असा अनुभव आहे.
आता असे भूखंड लिलावात काढण्याचे आदेश आयुक्तांनी नगररचना विभागास दिले आहेत. हे सर्व भूखंड टप्प्याटप्प्याने लिलाव करण्यात येणार आहेत.
भूखंडाच्या लिलावातून येणाऱ्या पैशांतून विकास कामांसाठी लागणारा निधी उभा केल्या जाणार आहे. पहिल्या टप्प्यात शहरातील अधिक मागणी असलेल्या भागातील अभिन्यासातील भूखंड लिलावात काढण्यात येणार आहेत. पन्नास भूखंडांची यादी त्यासाठी तयार करण्यात येत असून तीन ते चार टप्प्यात लिलाव करण्यात येणार आहे, असे आयुक्त प्रशांत रोडे यांनी सांगितले.
संपादन - अथर्व महांकाळ
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.