Amravati Lok Sabha 2024: अमरावती मतदारसंघात जिल्ह्यातील सहाही विधानसभा मतदारसंघ आहेत. या मतदारसंघांत कुठेही भाजपचा आमदार नाही. यंदा काट्याच्या लढतीचे संकेत मिळत आहेत. गेल्या वेळी राष्ट्रवादीच्या पाठिंब्याने अपक्ष म्हणून निवडून आलेल्या नवनीत राणा यांनी निवडणुकीनंतर भाजपला साथ दिली. त्यांच्या बनावट जातप्रमाणपत्राचाही मुद्दा गाजला. भाजपची बाजू मांडताना त्यांनी प्रसंगी उद्धव ठाकरे व ‘मविआ’ सरकावर टीका करण्याची खिंड लढवली. ठाकरे यांच्या ‘मातोश्री’बाहेर हनुमानचालिसा पठण करण्याचा मुद्दाही विशेष चर्चेत राहिला.

२०१९ चे चित्र

नवनीत राणा (अपक्ष) विजयी मते : ५,१०,९४७

आनंदराव अडसूळ (शिवसेना) मते : ४,७३,९९६

गुणवंत देवपारे(वंचित बहुजन आघाडी) मते : ६५,१३५

अरुण वानखेडे (बसप) मते : १२,३३६

विजयी उमेदवारांचे मताधिक्य : ३६,९५१

वर्चस्व

२००४ : शिवसेना

२००९ : शिवसेना

२०१४ : शिवसेना

२०१९ : अपक्ष

सद्य:स्थिती

महाविकास आघाडीचा उमेदवार निश्चित नाही. काँग्रेसचे आमदार बळवंत वानखेडे यांना उमेदवारी मिळण्याची शक्यता.

युवा स्वाभिमानच्या खासदार नवनीत राणा भाजपच्या वाटेवर आहेत. मात्र अद्याप त्यांना उमेदवारी जाहीर झालेली नाही.

दलित, मुस्लीम मते महाविकास आघाडीकडे आकृष्ट झाल्यास महायुतीचा ताप वाढेल.

नवनीत राणा यांच्या जातप्रमाणपत्राचा मुद्दा सर्वोच्च न्यायालयात आहे.

हे मुद्दे प्रभावी ठरणार

मेळघाटातील पाणी, आरोग्याचा गंभीर प्रश्न.

जिल्ह्यातील विविध भागात कृषीवर आधारित उद्योगांची वानवा.

बेलोरा विमानतळावरून अद्याप ‘टेकऑफ’ नाही.

जिल्ह्यात पायाभूत सुविधांच्या विकासाबाबतची उदासिनता