अमरावती ः कोरोना संक्रमणामुळे अभियांत्रिकीसह सर्व शाखांच्या परीक्षा ऑनलाइनच घेण्याचे नियोजन आहे. असे संत गाडगेबाबा अमरावती विद्यापीठाचे परीक्षानियंत्रक डॉ. हेमंत देशमुख यांनी स्पष्ट केले. अभियांत्रिकीच्या परीक्षांना चार दिवसांनी म्हणजे 22 मार्चपासून सुरुवात होत आहे. उर्वरित शाखांच्या परीक्षा 15 एप्रिलपासून सुरू करण्याचे नियोजन करण्यात येत असल्याचेही त्यांनी सांगितले.

कोरोना संक्रमणाचा फटका विद्यापीठाला बसला आहे. विद्यापीठातील बहूतांश अधिकारी व कर्मचारी संक्रमणात सापडले असल्याने मनुष्यबळाचा तुटवडा जात आहे. ऑफलाइन परीक्षा घेणे विद्यापीठास त्यामुळे कठीण जात आहे. शैक्षणिक सत्राचा विचार करता अभियांत्रिकी शाखेच्या परीक्षांना 22 मार्चपासून सुरुवात होत आहे. महाविद्यालय स्तरावर या परीक्षा घेण्यात येणार आहेत.

घटस्फोटीत महिला झाली तीन महिन्यांची गर्भवती;...

उर्वरित शाखांच्या परीक्षा 15 एप्रिल तर बॅकलॉगच्या परीक्षा पाच एप्रिलपासून घेण्याचे नियोजन आहे. त्यासंदर्भातील टिप्पणी तयार करण्यात आली असून मंजुरीकरिता कुलगुरूंकडे पाठविण्यात आली आहे, असे डॉ. हेमंत देशमुख यांनी सांगितले. या सर्व परीक्षाही ऑनलाइन घेण्यात येणार आहेत.

हिवाळी अभियांत्रिकी परीक्षेसाठी जवळपास तीस हजार विद्यार्थी आहेत. अभियांत्रिकी वगळता उर्वरित शाखांच्या परीक्षांसाठी सव्वादोन लाख तर पंचवीस ते तीस हजारच्या जवळपास बॅकलॉगचे विद्यार्थी आहेत. महाविद्यालयांना परीक्षा आणि मूल्यांकनाची जबाबदारी देण्यात येणार आहे.

VIDEO : 'सचिन वाझेंच्या जीवाला धोका, महाराष्ट्रात मोठा भूकंप होण्याची ठाकरे सरकारला भीती'

संक्रमणाचा फटका

कोरोना संक्रमणाचा विद्यापीठाला चांगलाच फटका बसला आहे. बरेच अधिकारी व कर्मचारी या संक्रमणात सापडले आहेत. त्याचा एकूणच परिणाम कामकाजावर पडला असून मनुष्यबळाचा तुटवडा आहे. विद्यार्थ्यांचे शैक्षणिक नुकसान होऊ नये याची दक्षता घेतली जात असून परीक्षांचे नियोजन करण्यात येत आहे, असे परीक्षानियंत्रक डॉ. हेमंत देशमुख यांनी सांगितले.

संपादन - अथर्व महांकाळ