वाशीम : ‘मुले  म्हणजे देवाघरची फुले’ असे का म्हणतात याचा प्रत्यय, या फुलांना जपायचे कसे याची शिकवण देणार्‍या सुमनबाई खुपसे या माऊलीच्या सेवाभावी कार्यातून  बघायला मिळते. आईने जन्म दिलेल्या मासाच्या गोळ्याला आकार देण्याचे कार्य त्या अव्याहतपणे गेल्या तीस वर्षापासून करीत आहेत. 21 व्या शतकात आजीबाईचा बटवा नावाची जुने ते सोने ठरणारी संस्कृती त्या जोपासत आहेत.                          
नऊमहिने  आईच्या गर्भात वास्तव्य असलेल्या मुला - मुलीचा जन्म होतो तेव्हा ते इवलेसे बाळ म्हणजे मासाचा गोळा असतो. बाळंतपणानंतर डॉक्टर महिलेला सुटी देतात याच वेळेपासून सुरू होते सुमनआजींचे कार्य.

अकोला जिल्ह्यातील बातम्यांसाठी क्लिक करा

नऊमहिने आईच्या गर्भात इवल्याशा जागेत राहिल्याने बाळाचे अवयव जखडलेले असतात. बाळाला योग्य प्रकारे  रोज मॉलीश करून हातपाय लांब करणे, कमरेला, डोक्याला आकार देणे म्हणजे एकप्रकारे मासाच्या इवल्याशा गोळ्याची फिजिओथेरेपी करण्याचे काम आजी करतात. 

बाळांच्या आरोग्यासाठी नवमातांना देता आयुर्वेदाची माहिती
नवमातांना बाळाचे संगोपन कसे करावे याची माहिती देणे. छोट्या मोठ्या आजारासाठी आजीबाईच्या बटव्यातील मूरडशेंग, कायफळ, मायफळ, जेष्ठमध अशा वनस्पती वापरून बाळाचे आरोग्य जपण्याचे मार्गदर्शन त्या करतात. देतील तो मोबदला घेऊन जवळपास 1985 पासून त्यांचे कार्य सुरू आहे. ज्या मुलामुलींना आकार देण्याचे काम त्यांनी 20-25 वर्षापूर्वी केले.  त्याच्या  मुलांना त्या आज आकार देत आहेत.  

देव मासाच्या गोळ्याला जन्म देतो. आणि सुमनआजी त्याला आकार देणार्‍या जणू  देवदूत ठरल्या आहेत. वाशीम शहरातच नाही तर पुणे-मुंबई मधील नागरिक आपल्या नवजात  बालकाच्या  जन्मापूर्वी आजी तुम्हाला आमच्या नवजात बालकाला आकार देण्यास यावे लागेल, अशी मागणी केल्या जाते. मात्र, वयामुळे त्या शहरातच कार्य करतात. त्यांच्यानंतर हा सेवाभावनेचा वसा कोण पुढे नेणार ही काळजी मात्र त्या करतात. कारण कितीही आधुनिकता जोपासली तरी काही परंपरा भावी पिढीच्या सृदृढतेसाठी कायम ठेवाव्याच् लागतात.

चिमुकल्याची ‘फिजिओथेरेपी’
बाळाला योग्य प्रकारे रोज मॉलीश करून हातपाय लांब करणे, कमरेला, डोक्याला आकार देणे म्हणजे एकप्रकारे मासाच्या इवल्याशा गोळ्याची फिजिओथेरेपी करण्याचे काम सुमनआजी करतात. नवमातांना बाळाचे संगोपन कसे करावे याची माहिती देणे. छोट्या मोठ्या आजारासाठी आजीबाईच्या बटव्यातील मूरडशेंग, कायफळ, मायफळ, जेष्ठमध अशा वनस्पती वापरून बाळाचे आरोग्य जपण्याचे मार्गदर्शन आजी करीत आहेत.