गोंदिया : कोरोना विषाणूच्या काळात प्रत्येक एटीएमस्थळी सॅनिटायझरची सोय करणे गरजेचे आहे. मात्र, शहरासह जिल्ह्यातील बहुतांश एटीएमस्थळी ही सुविधा नाही. पैसे टाकण्याकरिता आणि काढण्याकरिता येणाऱ्या खातेदारांत सुरक्षित अंतर पाळले जात नाही. त्यामुळे कोरोना संसर्गाचा धोका पुन्हा वाढण्याची शक्‍यता नाकारता येत नाही.
काही महिन्यांपूर्वी शहराच्या काही भागांपुरता मर्यादीत असलेला कोरोना विषाणूचा प्रादुर्भाव गावोगावी वाढला आहे. शहरातील प्रत्येक वॉर्डात घुसलेल्या कोरोना विषाणूने आता गावखेड्यांतील कानाकोपरा व्यापून टाकला आहे. दररोज बाधित रुग्णांची संख्या वाढत आहे. त्यामुळे जिल्हा प्रशासनासह नागरिकांचीदेखील चिंता वाढली आहे. प्रशासन उपाययोजना आखण्यात गुंतले असतानाही कोरोनाच्या रुग्णसंख्येत झपाट्याने वाढ होत आहे.
सविस्तर वाचा - खर्राच ठरतोय कोरोनाच्या वाढत्या संक्रमणाचे कारण; तपासणीत उशीर केल्याने भीतीचे वातावरण
जिल्ह्यात शुक्रवारपर्यंत (ता.18) 4 हजार 122 रुग्ण पॉझिटिव्ह आढळले आहेत. यात एकट्या गोंदिया तालुक्‍यात 2 हजार 428 रुग्णांची नोंद आहे. सध्या क्रियाशील रुग्ण 1 हजार 541 इतके आहेत. रुग्ण बरे होण्याचे प्रमाण बऱ्यापैकी असले तरी, दररोज बाधित रुग्णांची वाढणारी संख्या चिंतेत भर घालणारी आहे.
अनलॉक मोहीम सुरू झाल्यापासून सातत्याने रुग्णसंख्येचा आकडा फुगत आहे. यात भर म्हणजे, प्रशासनाने लादलेल्या नियमांचे होत असलेले उल्लंघनदेखील कारणीभूत आहे. पैसे काढणे व टाकण्याकरिता दररोज एटीएम केंद्रांत खातेदारांची मोठी गर्दी झालेली दिसते. प्रशासनाच्या नियमानुसार, एटीएम केंद्रात येणाऱ्या प्रत्येक खातेदारांसाठी सॅनिटायझरची व्यवस्था असणे गरजेचे आहे. परंतु, जिल्ह्यातील बहुतांश केंद्रात सॅनिटायझरची व्यवस्था नाही. एटीएम केंद्राच्या परिसरात पैसे काढणे आणि टाकण्याकरिता येणाऱ्या खातेदारांत सुरक्षित अंतर राहात नाहीत. त्यामुळे जिल्ह्यात कोरोना विषाणूचा संसर्ग वाढण्याचा धोका नाकारता येत नाही. दरम्यान, प्रशासनाने योग्य दखल घेऊन एटीएम केंद्रस्थळी सॅनिटायझरची व्यवस्था करणे बंधनकारक करावे, अशी मागणी होत आहे.
एटीएम केंद्रस्थळी सुरक्षारक्षक असणे गरजेचे आहे. परंतु, शहरासह जिल्ह्यातील एटीएम केंद्रे सुरक्षा रक्षकाविना वाऱ्यावर आहेत. केंद्रांत कचऱ्याचा पसारा दिसून येतो.
संपादन - अथर्व महांकाळ
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.