विदर्भ

स्वच्छता निरीक्षकावर हल्ला

सकाळ वृत्तसेवा
नागपूर : मेडिकलमध्ये नुकतेच एका प्रशिक्षणार्थी डॉक्‍टरवर ब्लेडने हल्ला करून लुटल्याचे प्रकरण ताजे असताना शुक्रवारी रात्री मेडिकलमध्ये कार्यरत स्वच्छता व आरोग्य निरीक्षकावर हल्ला झाल्याची घटना घडली. यावरून मेडिकलमधील सुरक्षा यंत्रणा ढासळली असल्याचे पुढे येते. जखमी अवस्थेत स्वच्छता निरीक्षकावर मेडिकलमध्ये उपचार करण्यात आले असून अजनी पोलिसांनी गुन्हा नोंदविला आहे.
शुक्रवारी रात्री मेडिकलचे स्वच्छता निरीक्षक नरसिंग देवरवाड पेइंग वॉर्डाच्या बाजूला असलेल्या निवासी गाळ्यासमोर फिरत होते. त्यांच्या निवासी गाळ्याच्या मागे सार्वजनिक बांधकाम विभागाअंतर्गत काम करणारे मजूर झोपडी घालून येथे राहतात. त्यांच्या झोपडीतून जोरजोरात ओरडण्याचा आवाज ऐकू आल्याने देवडवार तेथे पोहचले. काय सुरू आहे, अशी विचारणा त्यांनी केली. तीन ते चार व्यक्ती येथे बसून होते. दारू पार्टी रंगली असल्याचे चित्र दिसून आले. दारूपार्टीचे बिंग फुटले असल्याने एकाने वीट उचलून ती देवरवाड यांच्या दिशेने भिरकावली. त्यांच्या चेहऱ्याला ती लागली. थोडक्‍यात डोळा वाचला. डोळ्यावर असलेला चष्मा खाली पडला. देवरवाड यांनी आरडाओरड करताच सारे आरोपी पळून गेले. या पार्टीत मेडिकलच्या क्ष-किरणशास्त्र विभागाचा तंत्रज्ञ सहाय्यक रॉबीन फिलिप्सही असल्याचे निदर्शनात आले. शनिवारी देवरवाड यांनी प्रथम वैद्यकीय अधीक्षक आणि अजनी पोलिस यांच्याकडे तक्रार केली. गुन्हा दाखल करण्यात आला. 

सकाळ+ चे सदस्य व्हा

ब्रेक घ्या, डोकं चालवा, कोडे सोडवा!

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.

Also Read

Traffic Challan Recovery: थकबाकी असलेला ट्रॅफिक दंड आता वीज बिलातून वसूल होणार? सर्वोच्च न्यायालयाची सरकारांना महत्त्वाची सूचना

Vastu Tips: धुळीच्या भीतीने घराच्या खिडक्या २४ तास बंद ठेवताय? वास्तूशास्त्रानुसार ओढावू शकतात 'या' ५ मोठ्या अडचणी!

Dharashiv Kirtankar Fight : 'माझी सुपारी का घेतली?'; धाराशिवमध्ये दोन महाराज आपापसात भिडले, थेट हाणामारीनंतर बाल वारकऱ्यांना घेऊन महामार्गावर केलं आंदोलन

IMD Weather Alert : हवामान खात्याचा मोठा इशारा! 28 राज्यांत जोरदार पावसाची शक्यता; ताशी 60 ते 70 किमी वेगाने वाहणार वारे, महाराष्ट्रात स्थिती काय?

दिवसभरातील महत्त्वाच्या घडामोडी वाचा एका क्लिकवर...

SCROLL FOR NEXT