बाळापूर - शेतकऱ्यांच्या गोठ्यातील जनावरे चोरून त्यांना कत्तलीच्या उद्देशाने निर्दयतेने बांधून ठेवणाऱ्या चोरट्याचा छडा लावण्यात स्थानिक गुन्हे शाखेला यश आले असून या प्रकरणी वाडेगाव येथील एका २२ वर्षीय तरुणाला पोलीसांनी अटक केली आहे. या प्रकरणी सदर तरुणा विरुद्ध बाळापूर पोलीस ठाण्यात गुन्हा दाखल करण्यात आला आहे. या चोरट्या कडून २ लाख ४० हजार रुपये किमतीची जनावरे व साहित्य जप्त करण्यात आले आहे.

वाडेगाव येथील इंदिरा नगर झोपडपट्टीतील एका तरुणाने गोवंश जातीचे जनावरे चोरून आणून त्यांना कत्तलीसाठी निर्दयतेने बांधून ठेवले असल्याची माहिती स्थानिक गुन्हे शाखेचे प्रमुख शंकर शेळके यांना मिळाली. या माहितीवरून पोलिस निरीक्षक शंकर शेळके यांच्या निर्देशानुसार पोलीसांनी आज रविवारी (ता. २२ रोजी) वाडेगाव येथील इंदिरा नगर झोपडपट्टीत जनावरे चोरी करणाऱ्या तरुणाचा शोध घेतला असता त्यांना मोहम्मद असद मोहम्मद अशरफ वय (२२ वर्ष) याच्या घरी जनावरे बांधलेली आढळून आली.

हि कारवाई पोलीस अधिक्षक संदिप घुगे, अपर पोलीस अधिक्षक अभय डोंगरे यांच्या मार्गदर्शनाखाली पोलीस निरीक्षक शंकर शेळके, पो.उप.नि. गोपाल जाधव, पोलीस उपनिरीक्षक गोपीलाल मावळे, ए.एस.आय. दशरथ बोरकर, पोलीस हवालदार फिरोज खान, गोकुळ चव्हाण, प्रमोद ढोरे, प्रमोद डोईफोडे, भास्कर धोत्रे, उमेश पराये महिला पोलीस हवालदार तुळसा दुबे, ना.पो.कॉ. खुशाल नेमाडे, पो. कॉ. लिलाधर खंडारे, अन्सार अहमद, स्वप्नील खेडकर, स्वप्नील चौधरी, शिवम दुबे, धिरज वानखडे, उदय शुक्ला, मोहम्मद आमीर, अभिषेक पाठक, सतिश पवार महिला पो. कॉ. तृष्णा घुमन व चालक ना. पो. कॉ. शेख नफीस पो. कॉ. अनिल राठोड, अक्षय बोबडे यांनी केली आहे.