विदर्भ

"जाको राखे साईया मार सके ना कोय'

सकाळ वृत्तसेवा
नागपूर : रेल्वेतून खाली उतरत असलेला मुलगा अचानक रेल्वे आणि फलाटातील फटीतून थेट रुळावर पडला. घटना बघणाऱ्या प्रत्येकाच्या काळजाचा ठोका चुकला. आई-वडिलांचे अवसानच गळाले. काय करावे सुचत नसताना कुलीबांधव मदतीला धावून आले. वेळीच खटाटोप करीत त्यांनी मुलाला सुखरूप बाहेर काढले. "जाको राखे साईया मार सके ना कोई' या ओळींचा प्रत्यय आणून देणारी ही घटना सोमवारी सकाळी नागपूर रेल्वेस्थानकावर घडली.
गोरखपूर-त्रिवेंद्रम एक्‍स्प्रेस सकाळी 7.30 वाजताच्या सुमारास नागपूर स्थानकाच्या फलाट क्रमांक 2 वर येऊन थांबली. लगबगीनेच प्रवासी फलाटावर उतरत होते. गाडीच्या बी-2 कोचमधून प्रवास करणारा सुमारे सात वर्षांचा मुलगा एकटाच गाडीतून उतरण्याचा प्रयत्न करीत होता. अचानक तो गाडी आणि फलाटादरम्यानच्या फटीतून थेट खाली रुळावर पडला. हे दृश्‍य बघणाऱ्या प्रवाशांनी आरडाओरड सुरू केली. भेदरलेला मुलगासुद्धा रडू लागला. आपलाच मुलगा पडला असल्याचे दिसताच त्याचे आईवडीलसुद्धा धाय मोकलून रडू लागले. गाडी सुरू झाली असती तर अनर्थ ओढवला असता. ही बाब लक्षात घेता प्रवाशांनी मुलाला काढण्याचा आटोकाट प्रयत्न केला. परंतु, त्यांना यश येत नव्हते. त्याचवेळी कुली संघटनेचे प्रमुख अब्दुल माजिद आणि त्यांचे सहकारी प्रेमसिंग मीना जवळून जात होते. मुलगा रुळावर पडल्याची घटना लक्षात येताच त्यांनी गांभीर्य लक्षात घेतले आणि मदतीला सरसावले. फटीतून मुलाला काढणे अशक्‍य होत असल्याने कुली बांधव पलीकडच्या भागातून आत शिरले आणि मुलाला सुखरूप बाहेर घेऊन आले. या घटनेत मुलाच्या पायाला किरकोळ इजा झाली आहे. मुलाच्या आईवडिलांनी देवदूत बनून धावलेल्या अब्दूल माजिद आणि प्रेमसिंग मीना यांचे मनापासून आभार मानले.

सकाळ+ चे सदस्य व्हा

ब्रेक घ्या, डोकं चालवा, कोडे सोडवा!

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.

Also Read

गंगोत्री-गोमुख ट्रेकवेळी भूस्खलन, महाराष्ट्रातील व्यापाऱ्याचा दरीत पडून बेपत्ता

Pakistan Terrorism : दहशतवादाच्या विळख्यात पाकिस्तान; ग्लोबल टेररिझम इंडेक्समध्ये अव्वल

'मराठीत बोल नाहीतर यूपीला परत जा', मुंबई लोकलमध्ये भाषेवरून महिला प्रवाशांमध्ये वाद पेटला; Video Viral

SA vs AUS 2nd ODI: कूपर कॉनोलीची 'Stunning Catch'! एडन मार्करमचा सुरेख फटका अन् ऑसीची परफेक्ट टायमिंग Video

Latest Marathi News Live Update : महाराष्ट्र लोकसेवा आयोगाच्या औषध निरीक्षक पेपरफुटीप्रकरणी मोठी अपडेट

SCROLL FOR NEXT