अल्पवयीन मुलीचा विनयभंग व छेडछाडी प्रकरणी आरोपी संदीप गणेश तायडे (वय-३०) जिल्हा न्यायालयाने दोषी ठरवून चार वर्षे सश्रम कारावास व दोन हजार रुपये दंडाची शिक्षा ठोठावली.
बुलडाणा - एका नऊ वर्ष चार महिने वयाच्या अल्पवयीन मुलीचा विनयभंग व छेडछाडी प्रकरणी आरोपी संदीप गणेश तायडे (वय-३०) जिल्हा न्यायालयाने दोषी ठरवून चार वर्षे सश्रम कारावास व दोन हजार रुपये दंडाची शिक्षा ठोठावली आहे. हा निकाल आज ता. १ रोजी देण्यात आला.
घटने संदर्भात हकीगत अशी की, 22 ऑक्टोबर 2018 सकाळी दहा वाजता शाळेत जाण्यासाठी ही अल्पवयीन मुलगी आपल्या भावासोबत घराच्या ओट्यावर बसली होती. त्यावेळी संदीप तायडे याने त्याठिकाणी येऊन भावाला दुकानावर पाठविले व मुलीला पकडून तिच्यासोबत छेडछाड केली.
सदरबाब तीने आपल्या आईला सांगितली. त्यानंतर आई, वडील व चुलत भाऊ हे संदीपला समजावण्यासाठी घरी गेले असता त्याने शिवीगाळ करून पीडित मुलीला जीवे मारण्याची धमकी दिली, अशी तक्रार मुलीच्या आईने चिखली पोलिसात दाखल केली होती. यावरून गुन्हा दाखल करण्यात आला व प्रकरण न्यायालयात सादर करण्यात आले.
फिर्यादी पक्षातर्फे पाच साक्षीदारांच्या साक्षी नोंदविण्यात आल्या. यामध्ये पीडीतेच्या आई स्वतः पिडिता यांची साक्ष महत्त्वाची ठरली. सरकारी पक्षातर्फे ॲड. सोनाली सावजी देशपांडे यांनी बाजू मांडली. दंडाच्या रकमेतून एक हजार पाचशे रुपये ही रक्कम पीडितेला नुकसान भरपाई म्हणून देण्याबाबत निकालात नमूद केले आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.