चंद्रपूर - जिल्ह्यातील ब्रम्हपुरी तालुक्यात पद्मापूर (भूज) गावातील मधुकर टेकाम (53) यांच्यावर शौचाला गेले असताने वाघाने केलेल्या हल्ल्यात ते ठार झाले आहेत.
मिळालेल्या माहितीनुसार, ही घटना बुधवारी सायंकाळी 5 वाजताच्या सुमारास घडली. मात्र 7 वाजता लोकांना याबाबतची माहिती मिळाली. गावकऱयांनी वनाधिकाऱयांना माहिती दिल्यावर एक वनरक्षक पाठवण्यात आला. मात्र जोपर्यंत अधिकारी येत नाही, तोवर मृतदेह उचलणार नाही, अशी भूमिका संतप्त गावकऱयांनी घेतली. त्यामुळे मृतदेह आज (गुरुवार) पहाटे साडेचार पर्यंत तसाच पडून राहिला. यानंतर पोलिस आणि तहसीलदार घटनास्थळी आल्याने तो ब्रम्हपुरी येथे विच्छेदनासाठी आणण्यात आला.
वाघाने नागरिकावर हल्ला करण्याची या महिन्यातील ही तालुक्यातील दुसरी घटना आहे. गावकऱ्यांनी वाघाला ठार मारण्याची मागणी वनाधिकाऱ्यांकडे केली आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.