नागपूर : विधानसभा निवडणुकीसाठी भाजपकडून उमेदवारांची यादी जाहीर करण्यात आली. यामध्ये मुख्यमंत्री देवेंद्र फडणवीस यांच्याही नावाचा समावेश आहे. त्यानंतर आज (शुक्रवार) मुख्यमंत्री फडणवीस यांनी आपला उमेदवारी अर्ज दाखल केला.

उमेदवारी अर्ज दाखल करण्यापूर्वी मुख्यमंत्री फडणवीस यांनी रॅली काढली होती. त्यानंतर पत्नी अमृता फडणवीस, भाजप प्रदेशाध्यक्ष चंद्रकांत पाटील, केंद्रीयमंत्री नितीन गडकरी यांच्यासह अन्य नेतेमंडळींच्या उपस्थितीत त्यांनी उमेदवारी अर्ज दाखल केला. 

दरम्यान, उमेदवारी अर्ज दाखल करण्यासाठी जाण्यापूर्वी देवेंद्र फडणवीस आणि अमृता फडणवीस यांनी नितीन गडकरी आणि त्यांच्या पत्नी कांचन यांचे आशीर्वाद घेतले.