अमरावती : कोरोना लॉकडाउनच्या (Corona Lockdown) काळात मिळालेल्या वेळेचा सदूपयोग करून अमरावतीच्या (Amravati) भाग्यश्री पटवर्धन यांनी घराच्या संरक्षण भिंतीवर वारली चित्रकलेतून (Warli Paintings) साकारलेल्या रामायणाचे मुख्यमंत्री उद्धव ठाकरे यांनी कौतुक केले आहे. शनिवारी सायंकाळी मुख्यमंत्री (CM Udhhav Thackeray) आणि भाग्यश्रीमध्ये जवळपास 10 मिनिटांचा संवाद झाला. वारली चित्रकला केवळ घराच्या भिंतीपुरती मर्यादित न ठेवता ती पुस्तकाच्या स्वरूपात प्रकाशित करावी, असे मुख्यमंत्र्यांनी सुचविल्याचे भाग्यश्री यांनी सांगितले. (CM Udhhav Thackeray praised young artist from Amravati)

रामायणाप्रमाणेच विविध भारतीय सणांचे चैतन्य आणि दिव्यत्व वारली चित्रांच्या माध्यमातून चित्रित करून त्याचे एक चांगले पुस्तक प्रकाशित करता येऊ शकेल, असे मुख्यमंत्र्यांनी आपल्याला सांगितल्याचे भाग्यश्री पटवर्धन म्हणाल्या.

शहरातील ट्रॅव्हल्स फोटोग्राफर असलेल्या भाग्यश्री पटवर्धन या चित्रकारसुद्धा आहेत. सध्या कोरोनामुळे टूरिझम क्षेत्र बंदच आहे. अशावेळी लॉकडाउनचा सदूपयोग करीत भाग्यश्री पटवर्धन यांनी आपल्या घराच्या संरक्षण भिंतीवर वारली चित्रकलेच्या माध्यमातून रामायणातील विविध प्रसंगी साकारले आहे. वृत्तपत्र तसेच सोशल मीडियावरून भाग्यश्रीच्या कलागुणांचे प्रसारण झाल्यानंतर मुख्यमंत्र्यांनी तिच्या कलेचे कौतुक केले. तिने श्रीराम जन्म, जटायूचे रावणासोबत युद्ध, सीता स्वयंवर, रामसेतूची बांधणी, राम-रावण युद्ध असे अनेक प्रसंग साकरले आहेत.

(CM Udhhav Thackeray praised young artist from Amravati)