सिंदेवाही (जि. चंद्रपूर) : तक्रार देऊनही गुन्हा दाखल न केल्यामुळे त्रस्त झालेल्या व्यक्तीने सिंदेवाही पोलिस ठाण्याच्या आवारात गळफास लावून आत्महत्या केली. बुधवारी ही घटना घडली. मृताचे नाव अशोक राऊत (वय ५५) आहे.
शहरातील दसरा चौकातील रहिवासी अशोक राऊत यांची पत्नी सोडून गेली. त्यामुळे त्यांचे मानसिक स्वास्थ्य बिघडले. मंगळवारी (ता. ५) दारूच्या नशेत राऊत यांनी मामा व मामाच्या मुलाला शिवीगाळ केली. त्यानंतर स्वतःच मामा व मामाच्या मुलाच्या विरोधात पोलिस ठाण्यात तक्रार दाखल केली. बुधवारी अशोक राऊत पहाटे सिंदेवाही पोलिस ठाण्यात पोहोचले.
‘दिलेल्या तक्रारीचे काय झाले’ अशी विचारणा त्यांनी केली. त्यावेळी ते दारूच्या नशेत होते. त्यामुळे पोलिसांनी त्याला बाहेर बसण्यास सांगितले. दरम्यान, एक पोलिस कर्मचारी ठाण्यात येत असताना राऊत आवारात गळफास लावून बचावासाठी आरडाओरडा करताना दिसला. त्याला तातडीने पोलिसांनी उपचारासाठी ग्रामीण रुग्णालय नेले असता डॉक्टरांनी चंद्रपूरला रेफर करण्यापूर्वी तपासणी केली. तोपर्यंत त्यांचा मृत्यू झाला होता.
संपादन - नीलेश डाखोरे
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.