अमरावती : केंद्र सरकारकडून पारित करण्यात आलेल्या शेतकरी विधेयकांना काँग्रेसकडून सातत्याने विरोध केला जात आहे. या आंदोलनाचा एक भाग म्हणून जिल्हा ग्रामीण काँग्रेसच्या वतीने गुरुवारी (ता. चार) शेतकऱ्यांचा ट्रॅक्टर मोर्चा काढण्यात आला. यावेळी ७० ते ८० ट्रॅक्टर शहराच्या रस्त्यांवर धडकल्याने काँग्रेस पदाधिकारी व कार्यकत्र्यांमध्ये चांगलाच जोश संचारला होता.
स्थानिक राजकमल चौकातून दुपारी १२ वाजताच्या सुमारास या मोर्चाला सुरुवात झाली. केंद्र सरकारकडून पारित करण्यात आलेले तीन विधेयक हे शेतकरी व कामगार विरोधी असल्याचा आरोप काँग्रेसच्या पदाधिकाऱ्यांनी यावेळी केला. पालकमंत्री यशोमती ठाकूर, काँग्रेसचे जिल्हाध्यक्ष तथा जिल्हा परिषदेचे अध्यक्ष बबलू देशमुख, आमदार बळवंत वानखडे, माजी आमदार प्रा. वीरेंद्र जगताप आदी पदाधिकाऱ्यांनी मोर्चाचे नेतृत्व केले.
हा मोर्चा जिल्हाधिकारी कार्यालयावर धडकला. यावेळी केंद्र सरकारवर शेतकरी विरोधी असल्याचा आरोप करीत प्रचंड घोषणाबाजी करण्यात आली. काँग्रेसचे शेकडो पदाधिकारी तसेच कार्यकर्ते या मोर्चात सहभागी झाले होते.
संपादन - नीलेश डाखोरे
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.