तिवसा -येथील एका विवाहित तरुणाने अल्पवयीन मुलीला प्रेमजाळ्यात अडकवून तिच्यावर अत्याचार केल्याची घटना आज सकाळी उघडकीस आली.याप्रकरणी तिवसा पोलिसांनी आरोपीस अटक केली असून गुन्हा दाखल केला आहे.अमोल मुकुंद कडू(वय 35 वर्ष ,रा.कमल कॉलनी तिवसा) असे आरोपीचे नाव आहे.आरोपी हा विवाहित असून गेल्या काही महिन्यांपूर्वी त्याच्या पत्नीचे निधन झाले होते.

तो मिनी आटो चालविण्याचे काम करीत असून तो मजूर महिलांना त्याच्या छोट्या वाहनात नेण्याचे काम करीत असतानाच त्याची ओळख एका अल्पवयीन मुलीशी झाली.यातच त्या दोघांमध्ये प्रेमसंबंध प्रस्थापित झाले असता आरोपी विवाहित तरुणाने तिला लग्नाचे आमिष दाखवून तिच्याशी वारंवार प्रेमसंबंध प्रस्थापित केले, तिने याबाबतची तक्रार तिवसा पोलिसांत दाखल करताच पोलिसांनी आरोपी अमोल कडू यांचे विरुद्ध कलम 376,तसेच पोस्को 4,6 अन्वये गुन्हा दाखल केला असून त्यास अटक केली आहे.याप्रकरणी पुढील तपास तिवसा पोलीस करीत आहे.