अहेरी (जि.गडचिरोली) : अहेरी येथील प्राणहिता पोलिस उपमुख्यालयात केंद्रीय राखीव पोलिस बल 9 बटालियनचा कॅंप आहे. येथील जवानांच्या तुकड्या दक्षिण गडचिरोली जिल्ह्यातील पेरमीली, ताडगाव, रेपनपल्ली, बुर्गी, आलदंडी तसेच दिल्ली व जम्मू काश्मीरमध्ये तैनात आहेत.
महाराष्ट्रासोबतच कोरोनाचे सर्वात जास्त थैमान दिल्लीत आहे. कोरोनाविरुद्धचे युद्ध लढण्यासाठी गडचिरोली जिल्ह्यातील एटापल्ली तालुक्यातील आलदंडी येथील जवानाची (E) एक तुकडी(कंपनी) दिल्लीला तैनात करण्यात आली होती. या 9 बटालियनचे जवान दिल्लीत लॉ अँड ऑडर सांभाळीत आहेत. याच दरम्यान आनंद बासुमतारी (उपनिरीक्षक जीडी )या जवानाला कोरोनाची लागण झाली. त्याच्यावर दिल्लीत उपचार केल्यावर त्याला हरियाणा येथील अखिल भारतीय आर्युविज्ञान संस्था झज्जर येथे रेफर करण्यात आले.परंतु उपचारादरम्यान आनंद बासुमतारी यांचा 28 जूनला मृत्यू झाला.
केंद्रीय रिझर्व्ह पोलिस बल 9 बटालियनच्या वतीने अहेरी येथील प्राणहिता मुख्यालयात गुरुवारी वीर कोराना योद्धा शहीदाला श्रद्धांजली अर्पण करण्यात आली. यावेळी बटालियनचे मुख्य कमांडेट रविंद्र भगत उपस्थित होते.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.