विदर्भ

चौफेर विकासाचे श्रेय जनतेलाच

सकाळ वृत्तसेवा
नागपूर : राज्यात देवेंद्र फडणवीस मुख्यमंत्री आणि केंद्रात मी मंत्री असल्याने शहराच्या विकासासाठी निधी आणण्याची संधी मिळाली. या डबल इंजिनमुळे कामाला वेग आला असला तरी शहराच्या चौफेर विकासाचे श्रेय हे येथील जनतेलाच जाते, असे नमूद करीत केंद्रीय रस्ते परिवहनमंत्री नितीन गडकरी यांनी जनतेने विश्वास टाकल्यामुळेच हे शक्‍य झाल्याचे आज सांगितले.
दक्षिण नागपुरातील सक्करदरा तलाव सौंदर्यीकरण व विकासकामांच्या पहिल्या टप्प्यातील कामांचे भूमिपूजन, कामगार क्रीडासंकुलाच्या पहिल्या टप्प्यातील विकासकामांचे भूमिपूजन, राजाबाक्षा हनुमान मंदिर देवस्थान आणि रमना मारोती देवस्थानाच्या सौंदर्यीकरण व विकासकामांचे भूमिपूजन रिमोटची कळ दाबून त्यांच्या हस्ते झाले. त्यावेळी ते बोलत होते. कार्यक्रमाच्या अध्यक्षस्थानी आमदार सुधाकर कोहळे होते. व्यासपीठावर महापौर नंदा जिचकार, आमदार प्रा. अनिल सोले, आमदार गिरीश व्यास, मनपा आयुक्त अभिजीत बांगर, अतिरिक्त आयुक्त रवींद्र ठाकरे, जलप्रदाय समिती सभापती पिंटू झलके, स्थापत्य व प्रकल्प समिती सभापती अभय गोटेकर, नेहरूनगर झोन सभापती समिता चकोले, धंतोली झोन सभापती लता काडगाये, माधुरी ठाकरे, प्रतोद दिव्या धुरडे, नगरसेवक डॉ. रवींद्र भोयर आदी उपस्थित होते.
गडकरी म्हणाले, की मुलांना खेळता यावे यासाठी सुमारे 150 क्रीडासंकुलाच्या कामाला सुरुवात झाली आहे. दक्षिण नागपुरात मिनी स्टेडियमसाठी आमदार कोहळे यांनी पाठपुरावा करीत अडचणी दूर केल्या. सक्करदरा तलाव सौंदर्यीकरणासोबत श्रद्धास्थान असलेले राजाबाक्षा हनुमान मंदिर आणि रमना मारोती मंदिरचा विकास आणि सौंदर्यीकरण होत आहे. यावेळी त्यांनी महापौर आणि आयुक्तांना उत्पन्नाचे नवे स्त्रोत निर्माण करण्याचा मंत्र दिला.

सकाळ+ चे सदस्य व्हा

ब्रेक घ्या, डोकं चालवा, कोडे सोडवा!

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.

Also Read

Kolhapur Muncipal Election : काँग्रेसची मते वाढली, भाजपचा हिट रेशो वाढला; महापालिकेचं राजकीय गणित उघड

Latest Marathi News Live Update : कोल्हापुरात काँग्रेस आणि शिंदेसेना एकत्र येण्याची शक्यता

Gastrointestinal Cancer : वारंवार पोट दुखतंय? मग, याकडे अजिबात दुर्लक्ष नको; असू शकते कॅन्सरची सुरुवात...

Sugarcane Trolley Overturned : वाणेवाडीत ट्रॉलीभर ऊस अंगावर पडूनही बाप-लेक सुखरूप

Nashik Farmers Protest : वनहक्कासाठी आदिवासींचा एल्गार; नाशिक-गुजरात महामार्ग सलग दुसऱ्या दिवशी ठप्प!

SCROLL FOR NEXT