अमरावती ः गुगलवर कोणत्याही प्रकारचे कस्टमर केअर क्रमांक शोधून संपर्क साधणाऱ्या ग्रामीण भागात अनेकांची लाखोंनी फसवणूक झाली. भविष्यात गुगलवर कोणत्याही प्रकारचे कस्टमर केअर क्रमांक शोधून कुठल्याही क्रमांकावर संपर्क साधू नये, असे आवाहन अखेर ग्रामीण पोलिसांना करावे लागले.

कोरोनाचा महाविस्फोट! उपराजधानीत एका दिवसातील रुग्णांचा आकडा बघून बसेल धक्का; आता नियम पाळाच 

जिल्ह्यात सध्या ऑनलाइन फसवणुकीचे गुन्हे सतत वाढत आहे. यामध्ये नागरिक कुठल्याही वेबसाइटवरून विविध प्रकारच्या वस्तू ऑनलाइन बोलवितात. त्यामध्ये आर्थिक व्यवहार हा पेटीएम, गुगल-पे, फोन पे तसेच यूपीआयच्या माध्यमातून केला जातो. 

या व्यवहाराचे विवरण विचारण्याकरिता व पैसे परत मिळण्यासाठी किंवा प्रॉडक्‍ट परत करण्यासाठी, पैसे परत मिळण्याकरिता नागरिक पुन्हा पेटीएम, गुगल पे, फोन पे या वेबसाइटचे कस्टमर केअर नंबर पाहतात. त्या नंबरवर फोन करून त्यांनी सांगितल्याप्रमाणे एनी डेस्क व टीम विवर अशाप्रकारचे ऍप्लिकेशन डाउनलोड करतात. त्यानंतर त्यांच्याकडून सांगितल्याप्रमाणे प्रोसेस केली जाते. अशाप्रकारे नागरिकांची ऑनलाइन फसवणूक करण्यात येते. 

मोठी बातमी! नागपूर जिल्ह्यात भाजपला खिंडार; माजी जिल्हा महामंत्र्यांसह तब्बल ३१...

नागरिकांना आर्थिक व्यवहार करताना अडचण आल्यास प्रथम संबंधित बॅंकेला तक्रार करावी तसेच पोलिस ठाण्याला माहिती द्यावी. 
-डॉ. हरिबालाजी एन. 
पोलिस अधीक्षक, अमरावती.

संपादन - अथर्व महांकाळ