यवतमाळ : कोरोनाच्या संसर्गामुळे दारू दुकाने बंद असल्याने दुप्पट-तिप्पट किंमतीत देशी, विदेशी आणि गावठी दारूची विक्री केली जात आहे. जादा पैसे मोजूनही अनेक शौकीन मद्य पीत आहेत. तर, दारू न मिळाल्यास चक्क सॅनिटायझरची नका करण्यापर्यंत मद्यपींनी उंची गाठली आहे. वणीत सात जणांना असाच आपला जीव गमवावा लागल्याने नशेच्या धोकादायक पर्यायाची पोलखोल झाली.
दारूच्या आहारी गेलेल्यांना पोटात गेल्याशिवाय करमत नाही. मद्यपी कामधंदे सोडून दारू कुठे मिळते, याचा शोध घेत राहतात. विदेशी नाही मिळाली तर, देशी आणि देशी नाही मिळाली तर गावठी, काहीही चालते. त्यासाठी ग्रामीण भागात शोध घेतला जातो. सॅनिटायझरमध्ये अल्कहोलचे प्रमाण असते.
हीच गोष्ट हेरून गेल्या वर्षीही कित्येकांनी सॅनिटायझरद्वारे झिंग पूर्ण केली. यंदा तर वणीतील घटनेने चांगलीच खळबळ उडवून दिली. नशा करण्यासाठी विविध प्रकारच्या साधनाचा वापर केला जात असल्याची बाब लपून नाही. त्यात आता सॅनिटायझरची भर पडली आहे. हा पर्याय धोकादायक ठरत असल्याचे दिसते. सॅनिटायझर दारू नव्हे, या बाबत जनजागृती करणे आवश्यक आहे.
व्हीसेरासोबत नमून्याची तपासणी
सात जणांपैकी एकाचा मृत्यू ह्रदयविकाराने झाला. तिघांच्या मृत्यूची आकस्मिक नोंद वणी पोलिस ठाण्यात करण्यात आली आहे. इतर तिघे रुग्णालयात गेले. डॉक्टरांनी त्यांना रेफर केले. मात्र, ग्रामीण रुग्णालयात गेल्यानंतर आपल्याला कोरोनात टाकतील, या भीतीने उपचार न घेता निघून आले. पोलिसांनी सॅनिटायझरचे नमूने तपासणीसाठी घेतले असून, व्हीसेरासोबत पाठविण्यात येणार आहे. सॅनिटायझरचा मृतांच्या शरीरावर कोणता परिणाम झाला, याची माहिती तज्ज्ञांकउून घेतली जाणार आहे, अशी माहिती पोलिस अधीक्षक डॉ. दिलीप भुजबळ पाटील यांनी दिली.
संपादन - अथर्व महांकाळ
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.