वनोजाबाग (अमरावती) : उमरीबाजार येथे एका शेतकऱ्याने राहत्या घरात गळफास लावून आत्महत्या केल्याची घटना शुक्रवारी उघडकीस आली. पावसाने ऐन वेळेवर दगा दिल्याने पेरणी वाया गेली. त्यामुळे त्यांच्यावर दुबार पेरणीचे संकट ओढावले होते. त्यामुळे ते चिंताग्रस्त होते.
गजानन हरिभाऊ ताकोते, असे शेतकऱ्याचे नाव आहे. त्यांच्याकडे दोन एकर शेती होती. त्यांनी यंदा कपाशीची पेरणी केली; पण वेळेवर निसर्गाने पाठ फिरविल्यामुळे दुबार पेरणीचे संकट त्यांच्यावर आले. त्यांना तीन मुली असून एका मुलीचा विवाह मागील वर्षीच झाला. त्यामुळे थोडेफार कर्ज त्यांच्यावर होते. अजून दोन मुलींचा विवाह होणे बाकी आहे.
दुबार पेरणीचे संकट आल्याने ते चिंतित झाले होते. यातच त्यांनी घरात आत्महत्या केली. उमरी येथील पोलिस पाटलांनी तक्रार दिल्यानंतर रहिमापूरचे ठाणेदार शेख जमील यांनी घटनास्थळी जाऊन पंचनामा केला. पुढील तपास सुरू आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.